Qazaqstan Ýkraınadaǵy qalyp qoıǵan júk kólikterin ótkizý úshin Polshadan kómek surady

NUR-SULTAN. QazAqparat - QR Indýstrııa jáne ınfraqurylymdyq damý Vıtse –mınıstri Berik Kamalıev pen Polsha Respýblıkasynyń ınfraqurylym jáne qurylys mınıstri Andjeı Adamchık telefon arqyly sóılesti, dep habarlaıdy QazAqparat mınıstrlikke silteme jasap.

Taraptar Reseı Federatsııasy men Ýkraına Respýblıkasy arasyndaǵy qazirgi tótenshe jaǵdaıdyń nátıjesinde júk tasymaly salasynda týyndaǵan jaǵdaıdy talqylady.

Vıtse-mınıstr Ýkraınanyń Belarýs, Reseı jáne basqa elder shekarasynda turyp qalǵan 56 júk kóligi júk kóligine qatysty alańdaýshylyq bildirdi jáne keıbir kólik júrgizýshileri Polsha aýmaǵyna baǵyt ustaıtynyn aıtty.

Osyǵan baılanysty, vıtse-mınıstr Polsha mınıstrinen kólik quraldarynyń odan ári marshrýt boıynsha júrý jáne keıinnen Qazaqstanǵa oralý úshin Polsha aýmaǵy arqyly olarǵa kedergi keltirmeı ótýine kómek kórsetýdi surady.

Óz kezeginde ınfraqurylym jáne qurylys mınıstri Andjeı Adamchık avtokólik quraldaryn kedergisiz ótkizý múmkindigin qarastyrýǵa kelisti jáne tolyǵyraq aqparat jiberýdi surady.