Qazaqstan Úkimeti jumys ornyndaǵy qaýipsizdik máselesin qarastyrady
ASTANA. KAZINFORM — Búgin Úkimet otyrysy ótedi. Onda Mınıstrler kabınetiniń músheleri eńbek qaýipsizdigin jáne óndiristegi qaýipsizdikti qamtamasyz etý sharalaryn talqylaıdy.
Otyrys qorytyndysy boıynsha, baspasóz konferentsııasy ótedi. Onda QR Eńbek jáne halyqty áleýmettik qorǵaý mınıstri Asqarbek Ertaev jáne QR Tótenshe jaǵdaılar vıtse-mınıstri Erbolata Sadyrbaev qatysady.
Aıta keteıik, buǵan deıin Parlament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine eńbek zańnamasyn jetildirý máseleleri boıynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldanǵan edi.
Jumys barysynda depýtattar kelesi túzetýlerdi engizgen:
— tehnıkalyq ınspektorlardyń quqyqtaryn jáne olardyń qyzmetine aqy tóleý tártibin naqtylaý;
— áleýmettik áriptestik músheleriniń bastamasy boıynsha óńirlik (oblystyq, qalalyq, aýdandyq) kelisimderdi iske asyrý týraly esepti tyńdaý;
— qyzmetkerlerdiń skrınıngtik zertteýlerden ótý tártibin anyqtaýǵa qatysty ózgerister.
Sondaı-aq, Senat depýtattary «Qazaqstan Respýblıkasynyń keıbir zańnamalyq aktilerine eńbek zańnamasyn jetildirý máseleleri boıynsha ózgerister men tolyqtyrýlar engizý týraly» Zańdy birinshi oqylymda pysyqtaǵanyn jazǵanbyz.
