Qazaqstan úkimettiń tıimdiligi jaǵynan qaı elderden basyp ozdy
Astana qalasy boıynsha departament basshysynyń orynbasary Roman Kımniń aıtýynsha, ótken jyly menedmentti damytý ınstıtýtynyń jahandyq reıtınginde Qazaqstan 32-orynǵa kóterildi. Atalǵan reıtıng 342 kórsetkish boıynsha baǵalanady. Sonyń barlyǵy tórt topqa bólingen. Atap aıtqanda, aldymen memlekettiń ekonomıkanyń jaǵdaıyna, odan keıin úkimet jumysynyń tıimdiligine, iskerlik orta men ınfraqurylymnyń sapasyna baǵa beriledi. "Dál osy kórsetkishter boıynsha biz 15 satyǵa kóterilip, Ispanııa, Polsha, Italııa, Túrkııa sııaqty elderden basyp ozdyq. Osy oraıda úkimettiń tıimdiligine qatysty kórsetkishterdi erekshe atap ótken jón. Sebebi osy sanatta Qazaqstannyń jetistikteri anyq baıqalyp otyr", - dedi R.Kım Astanada ótken baspasóz máslıxatynda.
Aıta keteıik, postkeńestik elderdiń ishinde Estonııa, Latvııa, Lıtva men Grýzııada jemqorlyqtyń deńgeıi aıtarlyqtaı tómendedi. Máselen, Grýzııa sońǵy on jylda xalyqaralyq reıtıngte 84 pozıtsııaǵa kóterildi. Ótken jyly Qazaqstan atalǵan reıtıngte 121 orynnan kórindi. Jalpy, 1999 jyldan beri Qazaqstan 31 upaı jınap, jemqorlyq deńgeıi joǵary memleketterdiń qatarynan alǵash ret shyǵa bildi. Bunyń barlyǵy - sybaılas jemqorlyqqa qarsy zańnamanyń, qoǵamdyq baqylaý men memlekettik qyzmetterdi elektrondy formatqa aýystyrýdyń nátıjesi. Halyq arasyndaǵy áleýmettik saýalnamalar da jemqorlyq deńgeıiniń tómendegenin rastap otyr.