Qazaqstan Úkimetiniń quramy (FOTO)
ASTANA. QazAqparat - Búgin Elbasy Nursultan Nazarbaevtyń Jarlyǵymen Qazaqstan Úkimetiniń jańa quramy bekitildi.
QR Úkimetiniń quramy:
QR Premer-Mınıstriniń birinshi orynbasary Baqytjan Saǵyntaev 1963 jyly Jambyl oblysynda dúnıege kelgen. S.Kırov atyndaǵy Qazaq memlekettik ýnıversıtetin bitirgen, ekonomıka ǵylymdarynyń kandıdaty. Jambyl oblysy ákiminiń orynbasary, QR Tabıǵı monopolııalardy retteý agenttiginiń tóraǵasy, QR Premer-Mınıstri Keńsesiniń basshysy, Pavlodar oblysynyń ákimi QR Ekonomıkalyq damý jáne saýda mınıstri, «Nur-Otan» HDP Tóraǵasynyń birinshi orynbasary, QR Premer-Mınıstriniń birinshi orynbasary - Óńirlik damý mınıstri qyzmetterin atqarǵan. 2013 jyldyń 6 qarashasynda Memleket basshysynyń Jarlyǵymen QR Premer-Mınıstriniń birinshi orynbasary bolyp qaıta taǵaıyndalǵan.
Qazaqstan Respýblıkasy Premer-Mınıstriniń orynbasary Saparbaev Berdibek Mashbekuly 1953 jyly týǵan. 1977 jyly Almaty Halyq sharýashylyǵy ınstıtýtyn «Ekonomıka jáne materıaldyq-tehnıkalyq jabdyqtaý» mamandyǵy boıynsha bitirdi. Ekonomıka ǵylymdarynyń doktory, professor.
Eńbek jolyn Qyzylorda oblysynyń Zadarınskıı sovhozynyń jumysshysynan bastady (1969-1971 jj.); áskerı qyzmetin ótkerdi (1971-1973 jj.). Instıtýtty bitirisimen Respýblıkalyq memlekettik eńbek jınaqtaý kassalary (gostrýdsberkassy) basqarmasynda ekonomıst (1977 j.); QazSRO Qarjymıninde ekonomıst, aǵa ekonomıst, jetekshi, bas ekonomıst, bólim bastyǵynyń orynbasary (1977-1988 jj.); josparlaý-qarjy basqarmasynyń bastyǵy, Bas ekonomıka basqarmasynyń bastyǵy, Qazaqstan Respýblıkasy Bilim mınıstriniń orynbasary (1988-1993 jj.); Prezıdent Apparaty Bólimi men Qazaqstan Respýblıkasy Mınıstrleri kabıneti meńgerýshisiniń orynbasary (1993 j.); Qazaqstan Respýblıkasy Mınıstrleri kabınetiniń Іster basqarmasynyń Qarjy, eńbek jáne áleýmettik qorǵaý bólimi meńgerýshisiniń orynbasary jáne meńgerýshisi (1994-1995 jj.) boldy.
Qazaqstan Respýblıkasy Mınıstrleri kabıneti Apparatynyń basshysy (1995 j.); Qyzylorda oblysynyń ákimi (1995-1999 jj.); Ońtústik Qazaqstan oblysynyń ákimi (1999-2002 jj.) qyzmetterin atqardy;
Qazaqstan Respýblıkasy Kedendik baqylaý agenttiginiń tóraǵasy, Qazaqstan Respýblıkasy Qarjy mınıstrliginiń Vıtse-mınıstri - Kedendik baqylaý komıtetiniń tóraǵasy (2002 j.- 2006 j.); Premer-Mınıstr Keńsesi Basshysynyń orynbasary - Qazaqstan Respýblıkasy Parlamentindegi Úkimettiń Ókili (2006 j. - 2007 j.); Qazaqstan Respýblıkasynyń Ekonomıka jáne bıýdjettik josparlaý Vıtse-mınıstri (2007 jyldyń 9 aqpany - 2007 jyldyń 27 tamyzy).
2007 jyldyń 27 tamyzynan bastap Qazaqstan Respýblıkasynyń Eńbek jáne halyqty áleýmettik qorǵaý mınıstri laýazymynda bolǵan.
«Qurmet» ordenimen (1999 j.), «Astana» (1998 j.), «Qazaqstan Respýblıkasynyń táýelsizdigine 10 jyl» (2001 j.), «Qazaqstan Respýblıkasynyń Konstıtýtsııasyna 10 jyl» (2005 j.) medaldarymen marapattalǵan. 2009 jylǵy 4 naýryzynan Shyǵys Qazaqstan oblysynyń ákimi bolyp qyzmet atqarǵan.
2014 jyly 11 qarashada Memleket basshysy Nursultan Nazarbaevtyń Jarlyǵymen B. Saparbaev QR Premer-Mınıstriniń orynbasary bolyp taǵaıyndalǵan.
Qazaqstan Respýblıkasynyń Aýyl sharýashylyǵy mınıstri Asyljan Mamytbekov 1968 jyly Ońtústik Qazaqstan oblysynda dúnıege kelgen. Ál-Farabı atyndaǵy Qazaq memlekettik ýnıversıteti men Qazaq memlekettik basqarý akademııasyn bitirgen. Qostanaı oblysy ákiminiń orynbasary, Astana qalasy ákiminiń orynbasary, Ońtústik Qazaqstan oblysy ákiminiń orynbasary, QR Premer-Mınıstri Keńsesi basshysynyń orynbasary, «QazAgro» ulttyq basqarý holdıngi» AQ Basqarma tóraǵasy bolǵan. 2011 jyldyń sáýir aıynan bastap - QR Aýyl sharýashylyǵy mınıstri.
QR Ádilet mınıstri Berik Imashev 1960 jyly týǵan. M.Lomonosov atyndaǵy Máskeý memlekettik ýnıversıtetin bitirgen. Quqyqtanýshy, zań ǵylymdarynyń kandıdaty. QR Prezıdentiniń kómekshisi - Qaýipsizdik Keńesiniń Hatshysy bolyp qyzmet atqarǵan. QR Parlamenti Senatynyń depýtaty - Konstıtýtsııalyq zańnama, sot júıesi jáne quqyq qorǵaý organdary komıtetiniń tóraǵasy bolǵan Qazaqstan Respýblıkasy Prezıdentiniń 2012 jylǵy 20 qańtardaǵy Jarlyǵymen Qazaqstan Respýblıkasy Ádilet mınıstri bolyp taǵaıyndalǵan.
Qazaqstan Respýblıkasynyń Bilim jáne ǵylym mınıstri Aslan Sárinjipov 1974 jyly týǵan. Qazaq memlekettik ekonomıkalyq ýnıversıtetin, Oklahoma ýnıversıtetin (AQSh), Vena dıplomatııalyq akademııasyn támamdaǵan. Ekonomıka ǵylymdarynyń kandıdaty, joǵarǵy bilimdi ákimshilendirý salasyndaǵy Pensılvanııa ýnıversıtetiniń (AQSh) doktory. «Nazarbaev ýnıversıteti» derbes bilim berý uıymy Atqarýshy keńesiniń tóraǵasy boldy. 2013 jylǵy 2 qyrkúıekte Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń Bilim jáne ǵylym mınıstri bolyp taǵaıyndaldy.
QR Densaýlyq jáne áleýmettik damý mınıstri Tamara Dúısenova 1965 jyly Ońtústik Qazaqstan oblysynda dúnıege kelgen. Tashkent halyq sharýashylyǵy bitirgen, ekonomıka ǵylymdarynyń kandıdaty. Ońtústik Qazaqstan oblysy ákiminiń orynbasary, QR Eńbek jáne halyqty áleýmettik qorǵaý vıtse-mınıstri, OQO ákiminiń orynbasary, QR Eńbek jáne halyqty áleýmettik qorǵaý mınıstrliginiń jaýapty hatshysy, vıtse-mınıstri bolǵan. 2013 jyldyń maýsymynda QR Eńbek jáne halyqty áleýmettik qorǵaý mınıstri bolyp taǵaıyndalǵan.
Investıtsııa jáne damý jónindegi mınıstri Áset Isekeshev Ál-Farabı atyndaǵy Qazaq ulttyq ýnıversıtetin, QR Prezıdenti janyndaǵy Joǵary memlekettik basqarý mektebin bitirgen. QR Strategııalyq josparlaý jáne reformalar agenttiginde, Ekonomıka jáne bıýdjettik josparlaý mınıstrliginde jumys istedi. QR Indýstrııa jáne saýda mınıstri, QR Premer-Mınıstriniń orynbasary - Indýstrııa jáne jańa tehnologııalar mınıstri boldy. 2012 jyldyń qyrkúıeginen Qazaqstan Respýblıkasy Premer-Mınıstriniń orynbasary - Qazaqstan Respýblıkasy Indýstrııa jáne jańa tehnologııalar mınıstri bolyp taǵaıyndaldy.
QR Qarjy mınıstri Baqyt Sultanov 1971 jyly Almaty qalasynda týǵan. Qazaq ulttyq tehnıkalyq ýnıversıtetin jáne Qazaq memlekettik basqarý akademııasyn bitirgen. QR Ekonomıka jáne bıýdjettik josparlaý mınıstriniń orynbasary, QR Statıstıka agenttiginiń tóraǵasy, QR Qarjy mınıstriniń orynbasary, QR Ekonomıka jáne bıýdjettik josparlaý mınıstri, QR Prezıdentiniń kómekshisi, QR Prezıdenti Ákimshiligi Basshysynyń orynbasary bolǵan.
Qazaqstan Respýblıkasynyń Qorǵanys mınıstri Imanǵalı Tasmaǵambetov 1956 jyly 9 jeltoqsanda Gýrev oblysy, Mahambet aýdany, Novobogat aýylynda dúnıege kelgen.
1979 jyly A.S.Pýshkın atyndaǵy Oral pedagogıkalyq ınstıtýtynyń jaratylystaný-geografııa fakýltetin, geografııa jáne bıologııa mamandyǵy boıynsha támamdady. Fılosofııa ǵylymdarynyń kandıdaty. «Ekologııalyq máselelerdiń dúnıetanym aspektileri» kandıdattyq dıssertatsııasynyń avtory. Saıası ǵylymdar doktory. Doktorlyq dıssertatsııasynyń taqyryby - «Tranzıttik saıasat júıelerindegi áleýmettik saıasat». Qoǵamdyq-saıası ómirdegi óziniń belsendi pozıtsııasyn Qazaqstannyń LKJO OK birinshi hatshysy (1989 jyl) jáne Qazaqstan Respýblıkasynyń Jastar isteri boıynsha Memlekettik komıtetiniń tóraǵasy (1991 jyl) jaýapty laýazymdarynda tanyta bildi.
Imanǵalı Tasmaǵambetov 1993 jyldan QR Prezıdentiniń kómekshisi bolyp jumys istedi. 1995 jyldan - QR Premer-Mınıstriniń orynbasary. 1997 jyldan QR Premer-Mınıstriniń orynbasary - QR Bilim jáne mádenıet mınıstri. 1997 jyldan QR Prezıdenti Ákimshiliginiń basshysy - QR Prezıdenti Ákimshiligi uıymdastyrý-baqylaý bóliminiń meńgerýshisi. 1998 jyldan - QR Prezıdentiniń birinshi kómekshisi. 1999 jyldan - Atyraý oblysynyń ákimi. 2000 jyldyń jeltoqsanynan - QR Premer-Mınıstriniń orynbasary. 2002 jyldan - QR Premer-Mınıstri. 2003 jyldan QR Memlekettik hatshysy. 2004 jyly QR Prezıdent Ákimshiliginiń basshysy bolyp taǵaıyndaldy. 2004 jyldyń jeltoqsanynan 2008 jyldyń sáýirine deıin - Almaty qalasynyń ákimi. 2008-2014 jyldar aralyǵynda Astana qalasynyń ákimi bolǵan. 2014 jylǵy 22 qazan kúni Qazaqstan Respýblıkasynyń Qorǵanys mınıstri bolyp taǵaıyndalǵan.
Mádenıet jáne sport mınıstri Arystanbek Muhamedıuly 1963 jyly Almaty oblysynda dúnıege kelgen. Qurmanǵazy atyndaǵy Qazaq ulttyq konservatorııasyn, QR Prezıdenti janyndaǵy memlekettik basqarýdyń ulttyq joǵary mektebin, Ál-Farabı atyndaǵy Qazaq ulttyq ýnıversıtetiniń aspırantýrasyn bitirgen. QR Mádenıet jáne aqparat vıtse-mınıstri, QR Prezıdenti Ákimshiliginiń Áleýmettik-saıası bóliminiń bas ınspektory, Іshki saıasat bóliminiń mádenıet sektory meńgerýshisi boldy. T.Júrgenov atyndaǵy Qazaq ulttyq óner akademııasynyń rektory qyzmetin atqarǵan. 2014 jyldyń 11 naýryzynan QR Prezıdenti Jarlyǵymen Arystanbek Muhamedıuly Qazaqstan Respýblıkasynyń mádenıet mınıstri bolyp taǵaıyndaldy.
QR Syrtqy ister mınıstri Erlan Ydyrysov 1959 jyly týǵan. Máskeý memlekettik halyqaralyq qatynastar ınstıtýtyn, KSRO SІM Dıplomatııalyq akademııasyn bitirgen. Aǵylshyn, hındı, ýrdý jáne frantsýz tilderin meńgergen. 2002 jylǵy maýsymnan - QR-nyń Ulybrıtanııa Birikken Koroldigi men Soltústik Irlandııadaǵy Tótenshe jáne Ókiletti Elshisi bolyp, sonymen birge QR-nyń Shvetsııa Koroldigindegi, Norvegııa Koroldigindegi, Irlandııa Respýblıkasyndaǵy Tótenshe jáne Ókiletti Elshisi mindetin qosa atqarǵan. 2007 jylǵy shildeden bastap - QR-nyń Amerıka Qurama Shtattaryndaǵy Tótenshe jáne Ókiletti Elshisi boldy jáne Brazılııa Federatıvtik Respýblıkasyndaǵy Tótenshe jáne Ókiletti Elshisi mindetin qosa atqardy. 2012 jylǵy 28 qyrkúıekten bastap - QR Syrtqy ister mınıstri.
QR Ulttyq ekonomıka mınıstri Erbolat Dosaev 1970 jyly 21 mamyrda týǵan. Almaty energetıkalyq ınstıtýtyn, Baýman atyndaǵy Máskeý Memlekettik tehnıkalyq ýnıversıtetin bitirgen. QR Premer-Mınıstri keńesshisi, QR Energetıka, ındýstrııa jáne saýda vıtse-mınıstri, Qarjy vıtse-mınıstri, Qazaqstan Damý banki Dırektorlar keńesiniń tóraǵasy, QR Tabıǵı monopolııalar, básekelestikti qorǵaý jáne shaǵyn bıznesti qoldaý agenttiginiń tóraǵasy, QR Densaýlyq saqtaý mınıstri bolǵan. Memleket basshysynyń 2013 jylǵy 16 qańtardaǵy Jarlyǵymen QR Ekonomıka jáne bıýdjettik josparlaý mınıstri bolyp taǵaıyndalǵan.
Qazaqstan Respýblıkasynyń Ishki ister mınıstri Qalmuhanbet Qasymov 1957 jyly týǵan. S.Kırov atyndaǵy Qazaq memlekettik ýnıversıtetin bitirgen. QR Іshki ister mınıstriniń birinshi vıtse-mınıstri, vıtse-mınıstri, Shyǵys Qazaqstan oblystyq ishki ister departamentiniń bastyǵy qyzmetterin atqarǵan. 2011 jylǵy sáýir aıynan - Qazaqstan Respýblıkasynyń Іshki ister mınıstri.
Ekonomıkalyq ıntegratsııa isteri jónindegi mınıstr Janar Seıdahmetqyzy Aıtjanova
1965 jyly týǵan.
S.M.Kırov atyndaǵy Qazaq memlekettik ýnıversıtetin, Vena Birikken ınstıtýtyn, Garvard ýnıversıtetiniń Dj.Kennedı atyndaǵy Memlekettik basqarý mektebin (AQSh) támamdaǵan. Aǵylshyn jáne cheh tilderin meńgergen.
Ýnıversıtetti bitirgennen keıin QazMÝ-de jáne MMÝ-de, Karlov jáne Ortalyq Eýropa ýnıversıtetterinde (Cheh Respýblıkasynyń Praga q.) mashyqtanýdan ótti.
BUU-nyń Qazaqstan Respýblıkasyndaǵy Ókildiginde baǵdarlamalar úılestirýshisi, Mońǵolııadaǵy BUU-nyń úılestirýshisi jáne BUU-nyń Damý baǵdarlamasy Ókiliniń kómekshisi bolyp jumys istedi. BUU Damý baǵdarlamasynyń Nıý-Iork qalasyndaǵy Eýropa jáne TMD óńirlik bıýrosynyń Ortalyq Azııa elderi bóliminiń baǵdarlamalar jetekshisi boldy.
2003 jylǵy qyrkúıekte J.S.Aıtjanova Qazaqstan Respýblıkasy Indýstrııa jáne saýda vıtse-mınıstri bolyp taǵaıyndaldy. 2005 jylǵy mamyrda oǵan Qazaqstan Respýblıkasynyń Búkilálemdik Saýda Uıymyna (BSU) kirýi jónindegi kelissózderdegi Qazaqstan Respýblıkasynyń Arnaıy ókiliniń mindetteri júkteldi.
2010 jyldyń naýryzynda Qazaqstan Respýblıkasy Ekonomıkalyq damý jáne saýda mınıstri bolyp taǵaıyndaldy.
2011 jylǵy sáýirde Qazaqstan Respýblıkasy Ekonomıkalyq ıntegratsııa isteri jónindegi mınıstr bolyp taǵaıyndaldy.
"Eren eńbegi úshin" medalimen marapattalǵan.
Energetıka mınıstri Vladımır Shkolnık
1949 jyldyń 17 aqpanynda Reseı Federatsııasynyń Máskeý oblysyndaǵy Serpýhov qalasynda dúnıege keldi.
1973 jyly Máskeý ınjenerlik-fızıkalyq ınstıtýtyn «Fızıka-energetıkalyq qondyrǵylar» mamandyǵy boıynsha bitirdi.
Fızıka-matematıka ǵylymdarynyń doktory.
Eńbek jolyn 1973 jyly Mańǵystaý energokombınatynda BN-350 reaktorynyń ınjener-fızıgi bolyp bastaǵan.
Mańǵystaý energokombınatynyń fızıka-tehnologııalyq zerthanasy bastyǵynyń orynbasary, kombınattyń reaktorlyq óndiris jónindegi bas ınjeneriniń orynbasary qyzmetterin atqarǵan.
1988-1992 jyldary Mańǵystaý energokombınaty dırektorynyń orynbasary boldy.
1992 jyldan 1994 jylǵa deıin - Qazaqstan Respýblıkasynyń Atom energııasy agenttiginiń Bas dırektory;
1994 jyldan 1996 jylǵa deıin - Qazaqstan Respýblıkasynyń Ǵylym jáne jańa tehnologııalar mınıstri;
1996 jyldan 1999 jylǵa deıin - Ǵylym mınıstri - Qazaqstan Respýblıkasy Ǵylym akademııasynyń Prezıdenti, Qazaqstan Respýblıkasynyń Ǵylym jáne joǵary bilim mınıstri;
1999 jyldan 2000 jylǵa deıin - Qazaqstan Respýblıkasynyń Energetıka, ındýstrııa jáne saýda mınıstri;
2000 jyldan 2002 jylǵa deıin - Qazaqstan Respýblıkasy Premer-Mınıstriniń orynbasary - Qazaqstan Respýblıkasynyń Energetıka jáne mıneraldyq resýrstar mınıstri;
2002 jyldan 2006 jylǵa deıin - Qazaqstan Respýblıkasynyń Energetıka jáne mıneraldyq resýrstar mınıstri;
2006 jyldan 2007 jylǵa deıin - Qazaqstan Respýblıkasynyń Indýstrııa jáne saýda mınıstri;
2007 jyldan 2008 jylǵa deıin - Qazaqstan Respýblıkasy Prezıdentiniń Ákimshiligi Basshysynyń orynbasary;
2008 jyldan 2009 jylǵa deıin - Qazaqstan Respýblıkasynyń Indýstrııa jáne saýda mınıstri;
2009 jyldyń mamyr aıynan 2014 jyldyń tamyz aıyna deıin - «Qazatomónerkásip» Ulttyq atom kompanııasy» AQ Basqarmasynyń Tóraǵasy.
2014 jylǵy tamyzdan - Qazaqstan Respýblıkasynyń Energetıka mınıstri.
