Qazaqstan Úkimeti mazýtqa kedendik baj salyǵyn tómendetýdi josparlaýda
ASTANA. QazAqparat - Qazaqstan Úkimeti mazýtqa kedendik baj salyǵyn tómendetýdi josparlaýda. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Energetıka mınıstri Vladımır Shkolnık málim etti.
«Qazirgi kezde mazýttyń álemdik baǵasy tómen bolyp otyr, ıaǵnı tonnasyna 120 dollar. Naryqqa mazýt kólemi shamadan artyq shyǵaryldy. QR Ulttyq ekonomıka mınıstrligimen birlese mazýtqa kedendik baj salyǵyn tómendetýdi qarastyrýdamyz. Osyndaı sheshim qabaldanatyn bolady. Bizdiń munaı óńdeýshi ónerkásibimiz toqtamaıdy»,-dedi mınıstr.
Onyń sózine qaraǵanda, mınıstrlik munaıǵa álemdik baǵanyń tómen bolýyna baılanysty árbir munaı óndirýshi kásiporynǵa qadaǵalaý júrgizýde.
«Árbir kásiporyn QR Energetıka mınıstrligine jáne Ulttyq ekonomıka mınıstrligine júginip, paıdaly qazbalardy óndirý salyǵyn tómendetý múmkindigi týraly esepti usyna alady. Sonymen qatar jumys oryndaryn saqtaý úshin biz usyna alatyn basqa da jeńildikterdi talqylaýǵa shyǵarý múmkindigi bar. Biz UEM-men birge munaı baǵasyna oraı eksporttyq-kedendik baj salyǵynyń mejesin bekitý jaıyn qarastyrýdamyz. Bul másele munaı óndiretin kompanııalarmen birlese qarastyrylýda»,-dedi ol.
