Qazaqstan Úkimeti Qashaǵannan 2017 jyldyń basynan bastap kiris alýǵa úmittenýde

ASTANA. QazAqparat - Qazaqstan Úkimeti Qashaǵannan 2017 jyldyń qańtarynan bastap kiris alýǵa úmittenýde. Bul týraly búgin QR Parlamenti palatalarynyń birlesken otyrysynda depýtattardyń saýalyna jaýap bergen QR Premer-Mınıstri Kárim Másimov málim etti.

«Sizderdiń nazarlaryńyzdy mynaǵan aýdarǵym keledi, bizdiń kelisimge sáıkes konsortsıýmnyń qazirgi ýaqytta qubyrdaǵy ahýaldy túzetýge ketken shyǵystary qaıtarylmaıdy. Memleket qubyr aýystyrýmen baılanysty shyǵyndardy ótemeıdi. Bul sol kompanııalardyń ózderine júk bolady. Buǵan qosa, bizdiń ýaǵdalastyǵymyzǵa sáıkes, qubyrlardy aýystyrý 2016 jyldyń sońynda aıaqtalatyndyǵyn atap ótkim keledi», -dedi Úkimet basshysy.

Onyń atap ótýinshe, Úkimet Qashaǵannyń iske qosylýyn Úkimet Qashaǵannyń iske qosylýyn 2016 jyldyń sońy men 2017 jyldyń basyna josparlap otyr. Sol kezden bastap bul ken ornynan munaı óndirýdiń nátıjesinde eldiń makroekonomıkalyq jaǵdaıyna jáne bıýdjetke kiris túse bastaıdy.

Buǵan qosa, K.Másimov Qazaqstannyń EYDU-ǵa kirýine baılanysty tabıǵatty paıdalaný jáne ekologııalyq zańnamalardy retke keltirý qajettigin atap ótti.