Qazaqstan Úkimeti elimizdiń buqaralyq aqparat quraldaryna tolyqtaı senedi
ASTANA. QazAqparat - Qazaqstan Úkimeti elimizdiń buqaralyq aqparat quraldaryna tolyqtaı senedi. Bul týraly búgin Ortalyq kommýnıkatsııalar qyzmetinde ótken brıfıngte Óńirlik damý mınıstriniń birinshi orynbasary Qaıyrbek Óskenbaev aıtty.
«Árıne, biz otandyq buqaralyq aqparat quraldaryna tolyqtaı senemiz. Másele meniń qandaı da bir maqalaǵa qatysty pikirimde emes. Biraq men óz elimizdi maqtan tutamyn jáne árbir azamattyń óz pikirin ashyq bildire alatynyna qýanamyn», - dedi ol jýrnalısterdiń suraǵyna jaýap berý barysynda.
«Árıne, BAQ neǵurlym kóp bolsa, onyń básekeles ortasy da soǵurlym kóp bolady. Sonyń nátıjesinde kez kelgen adam óz ustanymyn ashyq bildire alady. Sondyqtan eger men belgili bir BAQ-ta jaryq kórgen maqalanyń avtorynyń pikirimen kelispesem, bul meniń sol BAQ-qa senimsizdik tanytqanym degen sóz emes», - dedi vıtse-mınıstr.
