Qazaqstan Úkimeti elektrondy qujat aınalymyna kóshti
«Búginde memlekettik basqarýdy tsıfrlandyrýdyń «government to government», «government to bisuness», «government to citizens» syndy úsh úlken baǵyty bar. «Government to government» turǵysynan kelgende áriptesterimiz áńgimelese kele qujat aınalymynan barlyq qaǵazdy alyp tastaý qajettigin túsindik. Qandaı da bir normany, buıryqty, qaýlyny bekitý syndy protsesterden qaǵaz qujat aınalymyn naqty alyp tastaý qajet. Ashyǵyn aıtqanda bul protseste tabysqa da jetip otyrmyz. Búginde barlyq derlik hattar elektrondy túrde. Qaýlylar men buıryqtardy ilki rejimde elektrondy túrde rásimdep, elektrondy túrde kelise bastadyq», - dedi Asqar Jumaǵalıev.
Onyń atap ótýinshe, taıaý ýaqytta bul ilki jobany elimizdiń barlyq memlekettik organdaryna taratý josparlanǵan.
«Sol arqyly memlekettiń tıimdi, jyldam jumys isteýine qol jetkizemiz, atalǵan qujattardy kelisý, qol qoıý, buryshtama qoıýǵa ýaqyt joǵalmaıdy. Barlyǵy da kompıýter arqyly jyldam bolýy jáne júıeli júzege asyrylýy tıis», - dedi vıtse-premer.
Onyń sózine qaraǵanda, mundaı sharalar «Tsıfrlyq Qazaqstan» baǵdarlamasy aıasynda qabyldanyp jatyr.
«Tsıfrlyq memleket telekommýnıkatsııalyq ınfraqurylymnyń damýyn da boljaıtyndyǵyn aıtpaı ketpese bolmaıdy. Sebebi, jaqsy, sapaly ınternet bolmaıynsha tsıfrlandyrýdyń aýyr júzege asyrylatyndyǵyn anyq bilemiz. Sondyqta da bizdiń baǵdarlamamyzdyń tórtinshi baǵyty - bul telekommýnıkatsııalyq ınfraqurylymdy damytý», - dedi ol.