Qazaqstan úkimeti de Amerıkanyń demokratııasyna qatysty syn aıtyp otyrady - AQSh Elshisi Krol

ASTANA. QazAqparat - Búgin Astanada ótken baspasóz máslıhatynda AQSh-tyń Qazaqstandaǵy Tótenshe jáne Ókiletti Elshisi Djordj Krol elimizdegi sóz bostandyǵy men demokratııaǵa qatysty óz pikirin bildirdi, dep habarlaıdy QazAqparat tilshisi.

«Árıne,men ózim Qazaqstannyń ishki máselelerine aralasa almaımyn. Degenmen, demokratııa men sóz bostandyǵyna qatysty syn aıtylǵanda alańdaýshylyq týyndaıdy. Sebebi biz, AQSh úkimeti men úkimettik emes uıymdar, sóz bostandyǵyn qalaımyz. Ondaı jaǵdaılar bolǵanda Qazaqstan úkimetimen kezdesip, barlyǵyn ashyq túrde talqylaımyz. Biz sheteldik jýrnalıster men úkimettik emes uıymdardyń saraptamasyn, ol arqyly syrtta qandaı ımıdjdiń qalyptasyp jatqanyn da kórsetip otyramyz. Qazaqstan úkimeti bizben kez kelgen ýaqytta kezdesedi, kez kelgen másele boıynsha ashyq sóılesedi. Iá, keı kezde kelispeýshilikter de bolady. Olar da AQSh-taǵy úderisterge qatysty eskertý jasaıdy. Sondyqtan osy saladaǵy jumys birjaqty júrgiziledi dep oılap qalmańyz. Ol ekijaqty turǵyda júrgiziledi», -deıdi Krol.

Aıta keteıik , búgingi baspasóz máslıhatynda Djordj Krol Astanadaǵy EKSPO-2017 kórmesinde ashylatyn Amerıkanyń pavılony jaıynda habardar etti.