Qazaqstan Úkimeti Chernobyl AES-daǵy jobalardyń aıaqtalýyna qarajat bólý týraly sheshim qabyldady - N.Nazarbaev
KIEV. 19 sáýir. QazAqparat /Muratbek Maqulbekov/ - Qazaqstan Úkimeti Frantsııa men Ýkraına Prezıdentteriniń úndeýin qarap, Chernobyl AES-daǵy halyqaralyq jobalardyń aıaqtalýyna qarajat bólý týraly sheshim qabyldady.
Bul týraly Qazaqstan Prezıdenti Nursultan Nazarbaev Kıevte ótip jatqan ıAdrolyq energııany qaýipsiz jáne ınnovatsııalyq maqsatta paıdalaný jónindegi sammıtte málim etti.
«Eń aldymen, uıymdastyrýshylarǵa, sondaı-aq Ýkraına Prezıdenti Vıktor Fedorovıch ıAnýkovıchqa forýmǵa shaqyrǵany úshin jeke alǵysymdy aıtqym keledi. 26 sáýir kúni Chernobyl atom elektr stansysynda bolǵan álemdegi eń iri tehnogendi apatqa 25 jyl tolady. Chernobl apaty búkil álemdi atom energııasyn beıbit maqsatta qaýipsiz paıdalaný máselesi týraly oıǵa qaldyrǵan núktege aınaldy desek, artyq aıtqandyq bolmaıdy», - dedi N.Nazarbaev.
Elbasynyń atap ótkenindeı, Chernobyl apatynyń saldaryn joıýǵa 32 myńnan astam qazaqstandyq qatysyp, olardyń arasynda kóp adam óz ómiri men densaýlyǵyn qurban etti.
«Chernobyl apaty qazaqstandyqtardyń júreginde áli kúnge deıin saqtalýda», - dep atap ótti Elbasy N.Nazarbaev.
