Qazaqstan Úkimeti «bultty» tehnologııalardy qoldanatyn bolady
ASTANA. QazAqparat - «Zerde» ulttyq ınfokommýnıkatsııa holdıngi» AQ "memlekettik bult" jobasyn jasaqtaýdy qolǵa aldy, dep habarlaıdy holdıng basqarma tóraǵasynyń orynbasary Bıkesh Qurmanǵalıeva.
Zerde holdıngi Aqparattandyrý týraly zań jobasyn jasaqtap, Úkimetke joldady. Atalmysh zań jobasy memlekettik basqarý tıimdiligin arttyrý maqsatynda memlekettik organdardy aqparattyq tehnologııalarmen qamtýdy kózdeıdi", - dedi ol búgin Astanada Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, zań iske assa, bolashaqta barlyq memlekettik organdar aqparattyq tehnologııalar qyzmetterin belsendi paıdalanýshylaryna aınalady. "Aqparattyq qyzmetter bir ortalyqtyrylǵan júıege baǵynady. Biz qazirgi ýaqytta azamattarǵa kórsetiletin qyzmetterdiń kópqadamdylyǵyn azaıtý maqsatynda memlekettik organdardy ońtaılandyrý isin bastadyq. Onyń negizinde memlekettik organdar arasyndaǵy qaǵazbastylyqty kemitý kózdelgen", - dedi B. Qurmanǵalıeva.
"Memlekettik apparat - halyq úshin qyzmet kórsetetin biregeı organ. Sondyqtan biz onyń qyzmet kórsetýdiń sapasyn arttyrý úshin zamanaýı tehnologııalar usynýymyz shart. Osy turǵyda qazirgi tańda "bultty" tehnologııalar jetilip keledi. Zerde holdıngi "memlekettik bult" jasaqtaýdy josparlaýda. Ol - jabyq, qorǵalǵan, berik, ulǵaıtylatyn ınfraqurylym. Osynyń bazasynda árbir memlekettik organ óz fýnktsııalaryna jatatyn qyzmetterdi erkin paıdalanyp, halyqqa tıimdi qyzmet kórsete alady", - dep atap ótti ol.
