Qazaqstan Úkimeti 5 jyldyq áleýmettik-ekonomıkalyq damý boljamyn ázirledi
Otyrysta eldiń 2021-2025 jyldarǵa arnalǵan áleýmettik-ekonomıkalyq damý boljamyn jarııalaǵan mınıstrdiń aıtýynsha, ol 2019 jylǵy jalpy ishki ónim boıynsha eseptik statıstıkalyq derekter, osy jyldyń qańtar-shildesindegi ekonomıkanyń damý qorytyndylary syndy faktorlar eskere otyryp ázirlengen. Álemdik ekonomıkanyń ósýi boıynsha halyqaralyq qarjy uıymdarynyń jańartylǵan boljamdary da qaperge alynǵan.
«Koronavırýs indeti aıasynda bıyl álemdik ekonomıka 4,9 paıyzǵa tómendep, 2021 jyly 5,4 paıyzǵa deıin ósedi degen boljam bar. Álemdik taýar naryqtaryndaǵy úrdister de eskerildi. Halyqaralyq qarjy uıymdarynyń 2021-2022 jyldarǵa arnalǵan munaı baǵasyna konsensýs-boljamy bir barreline tıisinshe 45 jáne 55 dollaryn quraıdy. Qazaqstan ekonomıkasynyń damýyn halyqaralyq reıtıngtik agenttikter oń baǵalaýda. Moody's jáne FitchRatings reıtıngtik agenttikteri Qazaqstannyń reıtıngin ınvestıtsııalyq senimdilik deńgeıinde rastady. Olardyń ishinde, jaqynda, osy jyldyń 21 tamyzynda FitchRatings agenttigi «turaqty» boljamymen «BBB» deńgeıinde reıtıngti naqtylady.
FitchRatings pikirinshe, Qazaqstannyń reıtıngi ekonomıkanyń fıskaldyq turaqtylyǵyn, ekonomıkany qoldaýdyń tıimdi sharalaryn jáne aqsha-kredıt saıasatyn sátti júrgizýdi kórsetedi», - dedi Rýslan Dálenov.
