Qazaqstan ýıkıpedııa entsıklopedııasynda álemde 42-orynda kele jatyr -
ALMATY. 12 qazan. QazAqparat /Erlik Erjanuly/ - Qazaqstan ýıkıpedııa entsıklopedııasynda bir jylǵa jeter-jetpes ýaqytta 142-den 42 orynǵa deıin kóterildi.
Bul týraly Almatyda ótip jatqan 2-Qazaqstandyq ınternet aptalyǵynda aıtyldy.
"Biz Qaznettiń damýyna óz úlesin qosyp jatqan kompanııalardyń birimiz. Bizdiń jumysymyzdyń eń birinshi baǵyty - kontentti tolyqtyrý. Halyqaralyq aqparattyq tehnologııalar ýnıversıtetiniń kómegimen qazaq tildi ýıkıpedııany tolyqtyrýmen aınalysamyz. Bul baǵytta belgili bir nátıjege qol jetkizdik. Qysqa ýaqyttyń ishinde 80 myń maqala engizildi. Qazaqstan qazir ýıkıpedııa entsıklopedııasynda materıaldar qory jaǵynan álemde 42 orynǵa kóterildi. Buǵan deıin 125 orynda bolatyn", - deıdi "Qazkontent" AQ basqarma tóraǵasynyń orynbasary Vladımır Týtykın. Onyń aıtýynsha, Qazkontent ınternetke qosylǵysy kelgen aımaqtyq buqaralyq aqparat quraldarymen de belsendi jumys júrgizip jatyr. Qazirdiń ózinde aımaqtyq 40-qa jýyq buqaralyq aqparat quraldaryna tegin tanystyrylymdyq saıttar jasap bergen. Sondaı-aq elektrondyq kommertsııa jaǵynda zań jobalaryn jasaýǵa da atsalysýda.
