Qazaqstan - Ýels matchy: Ulttyq quramanyń daıyndyǵy qalaı

ASTANA. KAZINFORM – Fýtboldan Qazaqstan ulttyq quramasynyń bas bapkeri Álı Álıev pen shabýylshy Abat Aıymbetov álem chempıonatyna irikteý aıasynda Ýelske qarsy oıyn týraly pikir bildirdi.

 Қазақстан ұлттық құрамасының бас бапкері Әли Әлиев
Фото: sportarena.kz

Komandadaǵy atmosferaǵa keletin bolsaq, árıne, biz jaqsy nátıjeden úmit kútemiz. Biz tarıhtyń jańa betin ashqymyz kelse, ol jaqsy nátıjemen baılanysty bolýy kerek. Buny qazirgi komanda músheleri jaqsy sezinetin sııaqty. Olardyń bir-birimen ózara jaqsy qarym-qatynasynan, oıynǵa daıyndyǵynan buny men de sezemin. Ujym álem chempıonatyna irikteý barysyndaǵy qýanyshty sátterdi umyta qoıǵan joq, olar sol sátterdi qaıtarýǵa tyrysady degen oıdamyn, - dedi fýtboldan Qazaqstan ulttyq quramasynyń bas bapkeri Álı Álıev.

Ulttyq quramanyń shabýylshysy Abat Aıymbetov bolsa Ýelstiń myqty qurama ekenin, soǵan qaramastan qazaqstandyqtar olarǵa qarsy laıyqty oıyn kórsetedi dep senetinin aıtty.

Abat Aıymbetov
Foto: sports.kz

Álem chempıonatyna irikteý bastalaıyn dep jatyr. Jaqsy bastaımyz degen oıdamyz. Ýels komandasyna kelsek, ol jaqsy ulttyq qurama. Qazir biz olardyń oıyndaryn talqylap jatyrmyz. Ulttar lıgasynyń B tobynda bul komanda eshkimnen utylmaǵan. Óte jaqsy qurama dep oılaımyn. Biz de jaqsyn oıyn-órnegin kórsetip, nátıje kórsetemiz degen oıdamyz, - dedi Abat Aıymbetov.

Osyǵan deıin fýtboldan álem birinshiligine irikteý bastalatyny týraly jazdyq.

 

Сейчас читают