Qazaqstan – Ýels matchy: Birinshi taımda Ashat Taǵybergen tarazy basyn teńestirdi

ASTANA. KAZINFORM — Fýtboldan 2026 jylǵy álem chempıonatynyń  irikteý týrnıriniń alǵashqy matchynda Kardıff qalasynda Ýels pen Qazaqstan quramalary sheberlik baıqasty.

Bul J tobyna túsken Qazaqstannyń qazaqstandyq maman Álı Álıevtiń basshylyǵymen ótken resmı betashar oıyny edi.

Á.Álıev bul joly myna fýtbolshylarǵa senim artty: Aleksandr Zarýtskıı, Nuraly Álip, Marat Bystrov, Aleksandr Marochkın, ıAn Vorogovskıı, Erkin Tapalov, Serikjan Mýjıkov, Ashat Taǵybergen, Maksım Samorodov, Islam Chesnokov, Aıbar Jaqsylyqov.

Reseılik maman Stanıslav Cherchesov jattyqtyrǵan tusta Qazaqstan quramasy alty matchta birde-bir gol soǵa almaı, pushaıman bolǵan edi.

Kreıg Bellamı jattyqtyratyn Ýels sapynda Karl Darloý, Djo Rodon, Ben Devıs, Konnor Roberts, Neko Ýılıams, Djoshýa Shıhen, Sorba Tomas, Devıd Brýks, Denıel Djeıms, Brennan Djonson, Lıam Kallen jasyl alańǵa shyqty.

Óz tarıhynda eki ret álem chempıonatynda óner kórsetken Ýelstiń favorıt sanalýy zańdy edi.

Birinshi taımda 9-mınýtta qazaqstandyqtardyń qateligin paıdalanǵan Denıel Djeıms esep ashty. Esesine 29-mınýtta I.Chesnokov tepken dop K.Roberstiń qolyna tıip, penaltı belgilendi. A.Taǵybergen bul múmkindikti paıdalanyp, tarazy basyn teńestirdi – 1:1.

Osy topta birinshi týrda Lıhtenshteın óz alańynda Soltústik Makedonııadan 0:3 esebimen oısyraı utyldy.

Eske sala keteıik, budan buryn Ulttar lıgasynda Horvatııanyń Frantsııany tize búktirgenin jazǵan bolatynbyz.