Qazaqstan - Ýels matchynda qyzmet atqaratyn tóreshiler toby belgili boldy
ASTANA. QazAqparat - Qazaqstan - Ýels matchynda qyzmet atqaratyn tóreshiler toby belgili boldy, dep habarlaıdy Qazaqstan fýtbol federatsııasynyń baspasóz qyzmeti.
Áıelder arasynda 2017 jylǵy Eýropa Chempıonatynyń irikteý týrnırindegi Qazaqstan - Ýels matchynyń bas tóreshisi bolyp lıýksembýrgtyq referı Tanııa Fernandes taǵaıyndaldy.
Bas tóreshige qos qaptaldan belgııalyq tóreshiler Berenjer Pıerart pen Djolın Delkroıks kómektesedi.
Al, tórtinshi arbıtr qazaqstandyq Lılııa Kárimova.
Match ınspektory - Emılııa Vnýk (Polsha)
Eske sala keteıik, Qazaqstan - Ýels matchy 12 sáýir kúni Shymkent qalasyndaǵy «Bıik» stadıonynda ótedi. Match Astana ýaqytymen 15:00-de bastalady.
