Qazaqstan UEFA Ulttar lıgasynyń jerebesinde birinshi sebetke tústi
ASTANA. KAZINFORM - Fýtboldan Qazaqstan quramasy 2026/27 jylǵy UEFA Ulttar lıgasynyń jerebesinde S lıgasynyń birinshi sebetine endi.
Bul jóninde Qazaqstan fýtbol federatsııasy málim etti.
Jerebe tartý rásimi 2026 jyly 12 aqpanda Brıýsselde Qazaqstan ýaqytymen 22:00-de bastalady.
Jańa maýsymda 54 ulttyq qurama tórt lıgaǵa bólinedi. Qazaqstan S lıgasynda birinshi sebette Islandııa, Albanııa jáne Chernogorııa quramalarymen birge ornalasqan.
Erejege sáıkes, S lıgasynda tórt quramadan turatyn tórt top qurylady. Ár qurama toptyq kezeńde alty match ótkizedi: onyń úsheýi úıde, qalǵan úsheýi syrt alańda. ÝEFA Ulttar lıgasynyń toptyq kezeńi matchtary 2026 jyly qyrkúıek aıynda bastalady.
Matchtar alty týrǵa bólingen: halyqaralyq terezeler qyrkúıek jáne qazan aılarynda, sondaı-aq qarashada bolady.
Top jeńimpazdary joǵary lıgaǵa kóterilý úshin talassa, al sońǵy oryn alǵan komandalar óz ornyn saqtap qalý úshin pleı-off matchtaryn ótkizedi.
2026/27 jylǵy UEFAUlttar lıgasynyń barlyq sebeti:
A lıgasy
1 sebet: Portýgalııa, Ispanııa, Frantsııa, Germanııa
2 sebet: Italııa, Nıderland, Danııa, Horvatııa
3 sebet: Serbııa, Belgııa, Anglııa, Norvegııa
4 sebet: Ýels, Chehııa, Grekııa, Túrkııa
B lıgasy
1 sebet: Shotlandııa, Vengrııa, Polsha, Izraıl
2 sebet: Shveıtsarııa, Bosnııa jáne Gertsegovına, Aýstrııa, Ýkraına
3 sebet: Slovenııa, Grýzııa, Irlandııa, Rýmynııa
4 sebet: Shvetsııa, Soltústik Makedonııa, Soltústik Irlandııa, Kosovo
C lıgasy
1 sebet: Islandııa, Albanııa, Chernogorııa, Qazaqstan
2 sebet: Fınlıandııa, Slovakııa, Bolgarııa, Armenııa
3 sebet: Belarýs, Farer araldary, Kıpr, Estonııa
4 sebet: Latvııa nemese Gıbraltar, Lıýksembýrg nemese Malta, Moldova, San-Marıno
D lıgasy
1 sebet: Ázerbaıjan, Lıtva, Gıbraltar nemese Latvııa, Malta nemese Lıýksembýrg
2 sebet: Lıhtenshteın, Andorra\
Eske salsaq, budan buryn Qazaqstan fýtbol federatsııasynyń keńsesinde Qazaqstan Premer-lıgasy 2026 jylǵy maýsymynyń kúntizbesin jasaýǵa qatysty jerebe tartý rásimi ótti.