Qazaqstan UEFA reıtınginde burynǵy ornyn saqtap qaldy

ASTANA. KAZINFORM - Qazaqstan Chempıondar lıgasy jetinshi týrynan keıin UEFA koeffıtsıentter reıtınginde burynǵysynsha 37-ornyn saqtap qaldy.

Koeffıtsıent tómendegishe nátıjeni bildiredi. Oǵan aǵymdaǵy maýsymnyń ortasha máni (jınaǵan upaı jalpy sany eýromaýsymǵa qatysyp jatqan qaýymdastyq klýbtarynyń sanyna bólinedi) jáne aldyńǵy tórt maýsymnyń nátıjesi eskeriledi. Koeffıtsıentter teń bolǵan jaǵdaıda ótken maýsymdaǵy joǵary koeffıtsıentpen baılanys nazarǵa alynady.

Reıtıng boıynsha Anglııa kósh bastap tursa, odan keıingi oryndarda Italııa, Ispanııa, Germanııa, Frantsııa, Nıderland, Portýgalııa, Belgııa, Túrkııa, Chehııa keledi.

Sondaı-aq Fınlıandııa 35, Kosovo 36, Bosnııa jáne Gertsogovına 38, Lavtvııa 39 orynǵa jaıǵasqan.

Aıta ketsek, qazir almatylyq «Qaırat» komandasy synǵa túsip jatyr. Jeti týrdan keıin olar Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesine» 1:4 esebimen jol berse, Kıprdiń «Pafosymen» 0:0 esebimen teń tústi.

Al qazaqstandyq «Ordabasy», «Aqtóbe», «Astana» klýbtary Eýropa lıgasy jáne Konferentsııa lıgasy týrnırlerinde jarysty erte aıaqtady.