Qazaqstan ÝEFA reıtınginde ornyn saqtap qaldy
ASTANA. QazAqparat - Keshe elordalyq «Astana» komandasy Eýropa lıgasy toptyq kezeńiniń besinshi týrynda óz alańynda Kıevtiń «Dınamosynan» 0:1 esebinde utylyp qaldy. Biraq bul, Qaqstannyń ÝEFA reıtıngindegi ornyna keri áserin tıgizgen joq, dep habarlaıdy QazAqparat Sports.kz saıtyna silteme jasap.
Qazaqstan ÝEFA-nyń elder reıtınginde 19,250 koeffıtsıentimen burynǵysynsha 24-orynda tur. Týra osyndaı kórsetkishpen Polsha 25-orynǵa ornalasty. 23-orynda turǵan Norvegııanyń enshisinde 19,950 koeffıtsıent bar. Al Ýkraına 37,900 kórsetkishpen 9-oryndy saqtap qaldy.
Úzdikter úshtigi Ispanııa (96,283), Anglııa (73,034) jáne Italııa (72,011) elderinen quralǵan.
Eske salaıyq, keshe «Astana Arena» stadıonynda «Astana» FK Kıevtiń «Dınamosyn» qabyldady. Kezdesý 1:0 esebimen ýkraınalyqtardyń paıdasyna aıaqtaldy.
