Qazaqstan ÝEFA reıtınginde bir saty joǵarylady
NUR-SULTAN. QazAqparat – Búgin túnde elordalyq «Astana» fýtbol klýby Andorrada Eýropa Lıgasynyń ekinshi irikteý kezeńiniń aıasynda jergilikti «Santa-Kolomoı» komandasymen kezdesti, dep habarlaıdy «QazAqparat» HAA Sports.kz saıtyna silteme jasap.
Teń eseppen aıatalǵan oıynda gol salynǵan joq. Qarymta match 1 tamyzda Nur-Sultanda ótedi.
Eýrokýboktyń kezekti oıyn kúninen keıin Qazaqstan ÝEFA-nyń koeffıtsentter kestesinde bir saty kóterilip, sońǵy bes maýsymnyń 17,500 nátıjesimen 24 orynǵa taban tiredi. Dál osyndaı koeffıtsent Belarýs elinde. 23-orynǵa Izraıl ornalasty (18,125).
Eske salaıyq, qazaqstandyq ózge de komandalar erteń Eýropa Lıgasyndaǵy matchtaryn ótkizedi. «Ordabasy» Chehııada «Mlada-Boleslav» klýbymen, al «Qaırat» Izraıl elinde Beer-Shevadan kelgen «Hapoel» komandasymen kezdesetin bolady.
