Qazaqstan ÝEFA reıtınginde 34-shi orynǵa kóterildi
ASTANA. 21 tamyz. QazAqparat - Qaraǵandylyq «Shahter» Chempıondar lıgasyndaǵy Shotlandııa chempıony «Seltıkti» 2:0 esebimen tize búktirip, elimiz qorjynyna eleýli upaı saldy. Endi Qazaqstan ÝEFA koeffıtsıentter kestesinde Bosnııa jáne Gertsegovınany artqa tastap, 34-shi orynǵa kóterildi, dep habarlaıdy Sports.kz.
Búgingi tańda qazaqstandyq klýbtar 10,5 upaı jınady («Shahter» - 4 upaı, «Aqtóbe» - 4 upaı, «Ertis» - 2,5 upaı), qorytyndy ball - 2,625. Buǵan deıin qazaqstandyq komandalar bir maýsymda 2 upaıdan artyq jınap kórmegen bolatyn.
ÝEFA koeffıtsıentter kestesinde sońǵy bes maýsymnyń qorytyndysy esepke alynady. Qazir Qazaqstan enshisinde 7,750 upaı bar.
ÝEFA koeffıtsıentter kestesi:
32. Slovenııa - 9,500
33. Moldova - 8,750
34. Qazaqstan - 7,750
35. Bosnııa jáne Gertsegovına - 7,500
36. Fınlıandııa - 7,175
