Qazaqstan ÝEFA koeffıtsıentteri kestesinde 30-shy orynǵa kóterildi

Ótken eýrokýboktar maýsymynyń qorytyndysy boıynsha Qazaqstan 32-orynda bolǵan. Bul jolǵy maýsym basynda ÝEFA músheleriniń 2010/11 jyldardaǵy upaılary alynyp, bıylǵy maýsymnyń upaılary esepteldi.

Osylaısha Qazaqstan Slovakııa men Vengrııadan ozyp, 30-orynǵa jaıǵasty.

25-orynǵa kóterilse, Kýbok ıegerine Eýropa Lıgasynyń ekinshi kezeńinen bastaýyna múmkindik beriledi.

Kósh basynda Ispanııa, Germanııa - ekinshi, al Anglııa úshinshi orynda. Aıta keteıik, 2015/2016 jylǵy eýrokýboktar maýsymynda Qazaqstan namysyn 4 klýb qorǵaıdy. El chempıony "Astana" ÝEFA Chempıondar lıgasynda baq synasa, "Aqtóbe", almatylyq "Qaırat" jáne shymkenttik "Ordabasy" Eýropa lıgasynda synǵa túsýde. "Astananyń" qarsylasy Slovenııa chempıony "Marıbor" komandasy bolmaq. Al Eýropa lıgasyndaǵy komandalar alǵashqy kezdesýlerin ótkizip te úlgerdi. Keshe, 2 shilde kúni "Ordabasy" óz alańynda Izraıldiń "Beıtar" klýbymen teń tústi - 0:0. "Aqtóbe" de óz alańynda estonııalyq "Nymme Kalıý" komandasyna 0:1 esebimen ese jiberdi. Al Almatynyń "Qaıraty" Belgradta jergilikti "Tsrvena Zvezdany" 0:2 esebimen tize búktirdi.