Qazaqstan U19 quramasy Eýropa chempıonatynda Serbııadan basym tústi
ASTANA. KAZINFORM - Fýtboldan Qazaqstan 19 jasqa deıingi jasóspirimder quramasy Eýropa chempıonaty irikteý kezeńinde Serbııadan basym tústi.
Otandastarymyz Salonıkı qalasynda ótken tartysty kezdesýde bizdiń fýtbolshylar Serbııa quramasynan basym tústi.
Oıynnyń 9-mınýtynda-aq shabýylshy Mılovanovıch dál soqqymen Serbııany alǵa shyǵardy. Qazaqstan quramasy sapynan 25-mınýtta Tóre Ismaǵulov tarazy basyn teńestirdi.
Ekinshi taımnyń basynda Qazaqstan quramasy birden eki gol soqty. Aldymen 47-mınýtta Ismaıl Bekbolat óz quramasyn alǵa shyǵarsa, 51-mınýtta dýbl avtory atandy.
Eske salsaq, irikteýdiń alǵashqy matchynda bizdiń jasóspirimder Portýgalııa quramasymen 1:1 esebimen teń tústi. Al búgingi jeńisten keıin olar 4 upaı jınap, óz irikteý tobynda birinshi orynǵa kóterildi.
Endi otandastarymyz 9 maýsymda úshinshi oıynyn Kıpr quramasyna qarsy ótkizedi.
Eske salsaq, budan buryn qazaqstandyq «Astana» jáne «Elimaı» komandalarynyń fýtboldan 2026 jylǵy UEFA Konferentsııa lıgasy birinshi irikteý kezeńindegi yqtımal qarsylastary anyqtaldy.
