Qazaqstan U19 quramasy Eýropa chempıonaty ekinshi irikteý satysyna shyqty
ASTANA. KAZINFORM - Fýtboldan Qazaqstan 19 jasqa deıingi jasóspirimder quramasy Eýropa chempıonaty irikteý kezeńiniń ekinshi satysyna shyqty.
Qazaqstandyq fýtbolshylar bul joly Grekııamen jasyl alańǵa shyqqan edi. Degenmen olar qarsylasyna laıyqty tótep bere alǵan joq. Grekııa quramasy qatarynan tórt gol soǵyp ketti. Oǵan Ismaıl Bekbolat 77, Alamgır Smakov 84-mınýtta eki golmen jaýap qaıyrdy.
Osylaısha otandastarymyz qarsylasyna 2:4 esebimen ese jiberdi. Soǵan qaramastan óz tobynda úshinshi orynǵa taban tirep, jarysty jalǵastyrýǵa múmkindik aldy.
Aıta ketsek, budan buryn otandastarymyz Portýgalııamen (1:1) teń túsip, Serbııany (3:1) qapy qaldyrǵan edi.
A lıgasyndaǵy ekinshi kezeń bıylǵy jyldyń qarasha aıynda ótkiziledi.
Eske salsaq, budan buryn fýtboldan Qazaqstan quramasy joldastyq kezdesýde Vengrııaǵa ese jiberdi.
