Qazaqstan U17 quramasy Eýropa chempıonaty elıtalyq kezeńine joldama aldy

ASTANA. KAZINFORM — Fýtboldan Qazaqstannyń 17 jasqa deıingi jasóspirimder quramasy 2027 jylǵy Eýropa chempıonatynyń elıtalyq irikteý kezeńine joldama aldy.

Qazaqstan U17 quramasy Eýropa chempıonaty elıtalyq kezeńine joldama aldy
Foto: QFF

Otandastarymyz 14-17 qarasha aralyǵynda Grýzııada ótken qurlyqtyq básekeniń irikteý kezeńinde 14-shi tobynda 4 upaı jınap, týrnır kestesinde kósh bastady.

Olar aldymen Aýstrııany 7:0 esebimen oısyrata jeńse, odan keıin Grýzııamen 1:1 esebimen teń tústi. Nátıjesinde elıtalyq kezeńge joldama aldy.

Qazaqstandyq fýtbolshylar bul kezeńdegi qarsylastaryn jeltoqsan aıynda anyqtaıtyn bolady. 

Qazaqstan U-17 quramasynyń tizimi:

Qaqpashylar: Abaı Zamanbek, Evgenıı Kravtsov (ekeýi de — QFF Akademııasy), Matveı Kovalchýk («Qaırat»), Baıjan Ashat («Shahter»);

Qorǵaýshylar: Álıhan Ábdı, Kırıll Plachında, Georgıı Grechka, Islam Rashıdov, Ildar Dathabaev (barlyǵy — «Qaırat»), Abylaı Toqtasyn («Shahter»), Danııar Qası, Mıhaıl Týrışev (ekeýi de — QFF Akademııasy), Nıkıta Lısohmar («Tobyl»), Beknur Talǵatov («Taraz»);

Jartylaı qorǵaýshylar: Daryn Ibadildá, Nuralı Salımov, Álıjan Zarý, Álıhan Ahılbaev, Tamerlan Sarsymbaev (barlyǵy — «Qaırat»), Álı Sadyrbaev, Tımýr Kazantsev (ekeýi de — «Shahter»), Davıd Zarechnyı, Artem Shalygın (ekeýi de — QFF Akademııasy), Salım Hasanov («Vılıarreal», Ispanııa), Malık Saıtov («Ramzan» akademııasy, Reseı);

Shabýylshylar: Ibrahım Asan, Nurhad Nurymov, Roman Chernomorets (barlyǵy — «Qaırat»), Ánýar Tólendi («Astana»).

UEFA-nyń jańartylǵan irikteý formatyna sáıkes, bastapqy raýndta óz tobynda úzdik shyqqan eki ujym ekinshi kezeńniń A lıgasyna ótedi. Olar 2027 jyldyń kókteminde Latvııada ótetin Eýropa chempıonatynyń fınaldyq básekesine beriletin joldamalardy sarapqa salady. Al topta 3-shi oryn alǵan komandalar jarysty B lıgasynyń ekinshi raýndynda jalǵastyrady.

Aıta ketsek, fýtboldan Qazaqstan ulttyq quramasynyń bas bapkeri Djon van ’t Skıp qyzmetinen ketedi.