Qazaqstan U-17 quramasy Damý kýbogyn jeńispen bastady

ASTANA. KAZINFORM – Fýtboldan Qazaqstan 17 jasqa deıingi jasóspirimder quramasy Belarýs astanasy Mınsk qalasynda ótip jatqan Damý kýbogyn jeńispen bastady.

Alǵashqy kezdesýinde qazaqstandyq fýtbolshylar Mınsk quramasyn 3:1 esebimen tize búktirdi. El quramasynan Dıgdar Omarov (18, 51-mınýttar) jáne Islam Rakym (49-mınýt) mergendik tanytty.

Endi otandastarymyz 20 aqpanda Belarýsı U-17 quramasymen sheberlik baıqasady. Kezdesý Qazaqstan ýaqytymen 20:00-de bastalady. 

Odan keıin qazaqstandyq fýtbolshylar Tájikstan U17 quramasymen kezdesedi. 

Jarysqa 8 qurama qatysady. Olardyń qatarynda Qazaqstan, Belarýs, Tájikstan, Reseı, Ázerbaıjan, Ózbekstan men Mınsk quramalary bar.

Olar aldymen eki topta baq synaıdy. A tobynda bizdiń komanda Belarýs, Tájikstan jáne Mınsk quramalary oınaıdy. Al V tobynda Belarýs U16, Ózbekstan, Ázerbaıjan jáne Reseı bar.

Aǵa bapker Baýyrjan Saǵyndyq oqý-jattyǵý jıynyna shaqyrtý alǵan oıynshylardyń tizimin jarııalady:

Qaqpashylar: Nıkıta Kıldjıev, Álıhan Shaızada (ekeýi de – «Shahter»), Batyrhan Serikbaı («Jas Qyran»), Kamıl Gaınýllın («Qaırat»);

Qorǵaýshylar: Jánibek Jaılaýbek, Danıl Zolkın, Meıirlan Baltabaev (bári – «Shahter»), Islam Raqym, Marlen Ámirenov, Mansýr Avashanov, Álfır Hanafı, Ábdı Álıhan (bári – «Qaırat»), Dinmuhammed Daırabaı («Jas Qyran»), Nuraly Azatqazy (klýbsyz);

Jartylaı qorǵaýshylar: Álıhan Jumabek, Damır ıÝsýpbekov (ekeýi de – «Qaırat»), Rınat Beıbitov, Akbar Sádenov (ekeýi de – «Aqtóbe»), Sháriphan Sháripjan (klýbsyz);

Shabýylshylar: Ánýar Tólendi (QFF Akademııasy), Rýstam Saıfımılıýkov, Dıgdar Omarov, Rasýl Ákimov (bári – «Shahter»), Abylaı Jylqaıdar, Roman Chernomorets, Dáýlet Orynbasar (bári – «Qaırat»), Rasýl Dosan («Atyraý»), Maǵzum Jolaman («Kaspıı»), Ibrahım Baýyrjan («Aqtóbe»).

Halyqaralyq týrnır 23 aqpan kúni máresine jetedi. 

Eske salsaq, budan buryn fýtboldan Birinshi lıga komandalary arasyndaǵy Qazaqstan birinshiligi sáýir aıynda jalaýyn kóteredi.