Qazaqstan týyn kóterip shyqqan Ábilhan Amanqul alǵashqy aıqasyn jeńispen bastady

ASTANA. QazAqparat - Indonezııada ótip jatqan Jazǵy Azııa oıyndarynda búgin qazaqstandyq boksshy Ábilhan Amanqul alǵashqy aıqasyn jeńispen bastady, dep habarlaıdy QazAqparat tilshisi.

QR Ulttyq Olımpıada komıteti baspasóz qyzmetiniń habarlaýynsha, bokstan 75 kelige deıingi salmaqta synǵa túsetin Ábilhan Amanqul Azııa oıyndaryndaǵy alǵashqy jekpe-jeginde jeńiske jetti.

1/16 aınalymda Ábilhan taılandtyq Aphısıt Kananhokhkrýeamen kezdesip, 5:0 esebimen basym tústi. 
Eske sala keteıik, Ábilhan Amanqul Azııa oıyndarynyń saltanatty ashylý rásiminde Qazaqstan baıraǵyn kóterip shyqqan bolatyn. Ol - 2017 jylǵy álem chempıonatynyń kúmis júldegeri.

Aıta keteıik, osyǵan deıin sharshy alańǵa shyqqan bokstan álem chempıony Qaırat Eralıev alǵashqy aıqasyn ótkizip, qarsylasyna ese jibergen bolatyn.