Qazaqstan týyn kóligine jaýyp alǵan júrgizýshi jazalandy
ATYRAÝ. QazAqparat –Atyraýda Týdy kóligine jaýyp, jol erejesin buzǵan júrgizýshige aıyppul salyndy, dep habarlaıdy QazAqparat.
Oblystyq polıtsııa departamenti baspasóz qyzmetiniń habarlaýynsha, polıtsııa qyzmetkerleri temir jol vokzaly janyndaǵy saýda úıiniń aldynda Qazaqstan Respýblıkasynyń Týyn kóliginiń kapotyna jaýyp alǵan júrgizýshini ustaǵan.
«18 mamyr keshki saǵat 20:30 shamasynda «Mitsubishi L300» jáne «Mercedes Benz» kólikteriniń júrgizýshileri vokzal aldynda jol erejesin buzyp, birneshe ret aınalý manevrin jasaǵan. Jol jabyndysyn lastap, sıgnal bermegen. Jol qaýipsizdigin saqtamaǵany úshin QR Ákimshilik quqyqbuzýshylyq týraly Kodeksiniń 595-babynyń 1-bólimimen, 630-baptyń 1-bólimimen hattamalar toltyryldy» -dep habarlady baspasóz qyzmeti.
Sonymen qatar, buǵan qosa «Mercedes Benz» kóliginiń júrgizýshisine QR Ákimshilik quqyqbuzýshylyq týraly Kodeksiniń 458-babynyń 1-bólimimen (QR Memlekettik Týyn paıdalaný jáne tártibin buzǵany úshin) 138 900 teńge aıyppul salynǵan.
