Qazaqstan túıe eti ónimderin Japonııa naryǵyna shyǵarýy múmkin

Japonııadaǵy tamaq tehnologııasy men kásiporyndy avtomattandyrý salasyndaǵy Foodtech Japan Tokyo atty eń iri kórmede qazaqstandyq tarap birneshe ǵylymı sheshimderdi usyndy, dep habarlaıdy Kazinform.

Usynylǵan jobalardyń biri — túıe eti ónimderi men et jáne ósimdik konservilerin óndirý tehnologııasy.

«Jobany bıologııa ǵylymdarynyń doktory, professor Ásııa  Serikbaevanyń jetekshiligimen Ǵylym jáne joǵary bilim mınıstrligi Ǵylym qorynyń granttyq qoldaýymen Qazaq ulttyq agrarlyq ýnıversıtetiniń ǵylymı qyzmetkerleri toby júzege asyrýda. Aqýyz mólsheri joǵary bolsa da (29,8% deıin), olarda holesterın joq. Túıe eti fosfor, kalıı, temir jáne A, V1, V2, V9, RR, S jáne E dárýmenderine baı», - dep jazdy mınıstrlikten.

Japon naryǵynan bólek, qazaqstandyq ónimder Ortalyq Azııadan kelgen bıznesmenderdiń de qyzyǵýshylyǵyn týdyrdy.