Qazaqstan tutynýshylary Ulttyq lıgasynyń «tikeleı jelisi» úlken suranysqa ıe bolyp otyr

dep habarlaıdy QazAqparat «KaR-Tel» JShS baspasóz qyzmetine silteme jasap.

Tutynýshylar lıgasynyń esebi boıynsha, bıylǵy jyldyń 2-shi jeltoqsanyna deıin  tutynýshylar quqyqtary, tutynýshylar jáne taýar, qyzmet óndirýshiler men satýshylar arasyndaǵy qarym-qatynas máseleleri jóninde 7684 saýal kelip túsken. Abonentterdi kóbinese kommýnaldyq qyzmetter jáne páter ıeleri kooperatıvteri baǵyty, turmystyq tehnıka, jıhaz jáne ónerkásiptik taýarlar satyp alý kezinde týyndaıtyn suraqtar   erekshe qyzyqtyrǵan. «Beeline jelisiniń taralym aımaǵynyń keńdiginiń nátıjesinde «tikeleı jelige» keńes alý maqsatynda Qazaqstannyń barlyq aımaqtarynan telefon shalady. Aldyn-ala nátıjeler negizinde birlesken bastama mindetteri iske asyp, tutynýshylyq deńgeıiniń arttyrýyna óz úlesin qosady», - deıdi Qazaqstan tutynýshylary Ulttyq lıgasynyń prezıdenti Svetlana Savchenko. 

Esterińizge sala keteıik, 2,5 aı buryn bastalǵan áleýmettik joba aıasynda «Beeline» abonenti  2518 nómiri boıynsha Qazaqstannyń kez-kelgen jerinen tegin telefon shalyp, tutynýshylar quqyqtary, tutynýshylar jáne taýar, qyzmet óndirýshiler men satýshylar qarym-qatynastaryna baılanysty máseleler boıynsha Tutynýshylar lıgasynyń bilikti zańgerleriniń keńesin ala alady.