Qazaqstan túrmelerinde namaz oqıtyn bólmeler nege qarastyrylmaǵan
ASTANA. KAZINFORM – Іshki ister mınıstrliginen Kazinform saýalyna joldaǵan jaýapta túzetý mekemelerinde dinı rásimderdi oryndaýǵa qalaı jaǵdaı jasalyp jatqanyn aıtty.
- ІІM-niń 2014 jylǵy 14 tamyzdaǵy buıryǵymen bekitilgen «Bas bostandyǵynan aıyrýǵa sottalǵandardyń dinı joralardy oryndaýy úshin jaǵdaılar jasaý jónindegi nusqaýlyq» talaptaryna sáıkes sottalǵandarǵa ózderiniń ártúrli dinı senimderine qatysty salt-joralardy mekemeniń kún tártibimen kózdelgen jeke ýaqytta óziniń uıyqtaıtyn ornynyń janynda jeke oryndaýǵa ruqsat etiledi. Bul maqsatqa arnaıy oryn-jaı bólinbeıdi, - dep jazady mınıstrliktegiler.
Bul másele Qylmystyq-atqarý kodeksiniń arnaıy babymen de rettelgen.
- Qylmystyq-atqarý kodeksiniń 97-babyna sáıkes, sottalǵandardyń dinı joralardy oryndaýy mekeme qyzmetine kedergi keltirmeýi, ishki tártipti buzbaýy, sondaı-aq jazalaryn ótep jatqan basqa adamdardyń quqyqtary men zańdy múddelerin shektemeýi tıis, - dep jazylǵan mınıstrlik jaýabynda.
Buǵan deıin Qazaqstan túrmelerindegi 1 myńnan astam áıel raqymshylyqqa ilinýi múmkin ekenin jazǵan edik.