Qazaqstan túrmelerindegi adam sany 25 paıyzǵa kemidi

ASTANA. QazAqparat - 2013 jyldan beri Qazaqstan túrmelerindegi adam sany 25 paıyzǵa - 52 myńnan 40 myńǵa deıin azaıdy. Bul týraly Qazaqstan Bas prokýratýrasy janyndaǵy Quqyq qorǵaý organdary Akademııasynyń birinshi prorektory Erkin Ońǵarbaev málim etti.

"Prokýratýra organdary penıtentsıarlyq júıeniń jumysyn jaqsartý baǵytynda keshendi sharalar jasaýda. 2013 jyly "túrmedegilerdiń sanyn azaıtý boıynsha 10 qadam" jobasy aıasynda alǵashqy konferentsııa ótti. Ekinshi forýmda "Kolonııalarda jumyspen qamtý" jobasynyń bastalǵandyǵy jarııalandy. 2015 jyly 11 jeltoqsanda ótken úshinshi forým sottalǵandardy qoǵam ómirine qaıta beıimdeý máselelerine arnaldy. Biz osy jumystardyń alǵashqy jemisterin de kórýdemiz. 2013 jyldan beri Qazaqstan túrmelerindegi adam sany 25 paıyzǵa - 52 myńnan 40 myńǵa deıin azaıdy. Bul 90-shy jyldarmen salystyrǵanda eki ese az", - dedi ol.

Onyń sózine qaraǵanda, Qazaqstan álemdik reıtıngte óz pozıtsııasyn jaqsartyp, 55 orynǵa deıin kóterilgen.