Qazaqstan túrmelerindegi 2,5 myń sottalýshyǵa jańa oqý jyly bastalady

ASTANA. QazAqparat - Bıyl penıtentsıarlyq júıeniń 57 jalpy bilim berý mekemelerinde mindetti orta bilimi joq 2,5 myń sottalýshy jańa oqý jylyn bastaıdy, dep habarlady ІІM Qylmystyq-atqarý júıesi komıteti.

Sottalýshylar arasyndaǵy oqý protsesin qamtý boıynsha Pavlodar, Aqmola jáne Qaraǵandy oblystary kósh bastap tur.
«Sottalýshylardyń tegin orta bilim alýy olardyń konstıtýtsııalyq quqyǵy bolyp tabylady jáne ol zańǵa sáıkes, jergilikti ýákiletti memlekettik organdarmen kelisim boıynsha júzege asyp jatyr. 30 jasqa tolmaǵan orta bilimi joq tulǵalardyń barlyǵy mindetti túrde oqıdy jáne attestat alady.

30 jastan asqan jáne І-ІІ top múgedekteri óz qalaýy boıynsha oqı alady», - dep atap ótti Qylmystyq-atqarý júıesi komıtetiniń sottalýshylar arasyndaǵy tárbıe jáne áleýmettik-psıhologııalyq jumys basqarmasynyń basshysy Marat Talasbaev.