Qazaqstan túrmelerinde profılaktıkalyq sharalar qalaı júrgizilýde
NUR-SULTAN. QazAqparat – QR ІІM Qylmystyq-atqarý júıesi komıteti bas bostandyǵynan aıyrý mekemelerindegi sanıtarlyq-epıdemıologııalyq jaǵdaıdy turaqty baqylaýda ustap otyr, dep habarlaıdy QazAqparat Polisia.kz-ke silteme jasap.
«Koronavırýstyń taralýyn boldyrmaý maqsatynda, sondaı-aq QAJ organdary jeke quramy men penıtentsıarlyq júıe mekemelerinde ustalatyn adamdardyń qorǵalýyn qamtamasyz etý baǵytynda birqatar aldyn alý sharalary uıymdastyryldy. Qazirgi ýaqytta jeke quram men jazasyn ótep júrgender arasynda jeke gıgıena erejelerin saqtaý, koronavırýs ınfektsııasynyń aldyn alý sharalary boıynsha aqparattyq-túsindirý sharalary júrgizilýde», - delingen habarlamada.
Atap aıtqanda, sottalǵandar qajetti dárilik zattarmen qamtamasyz etilgen, sondaı-aq ınfektsııalyq qadaǵalaý sharalary kúsheıtildi.
Koronavırýs ınfektsııasy boıynsha kúdik bolǵan jaǵdaıda, naýqasty jatqyzý úshin sanıtarlyq-epıdemıologııalyq talaptarǵa saı mekemelerdiń medıtsınalyq bóliginde ınfektsııalyq oqshaýlaǵysh jabadyqtaldy. Sonymen qatar, QAJ mekemelerinde sottalǵandar úshin mádenı-buqaralyq sharalardy ótkizýge tyıym salyndy.
Belgili bolǵandaı, QAJ komıtetinde biryńǵaı call-ortalyq quryldy (8-(7172)-72-30-40), osy arqyly sottalǵandardyń jaqyndary men qorǵaýshylary barlyq suraqtar boıynsha habarlasa alady.
«Búginde QAJ mekemelerindegi jaǵdaı turaqty, koronavırýs ınfektsııasyn juqtyrý oqıǵasy anyqtalmady», - delingen komıtet málimetinde.
