Qazaqstan túrmelerinde «elektrondy dúken» engizildi

NUR-SULTAN. QazAqparat - Qazaqstan túrmelerinde «elektrondy dúken» engizildi. Bul týraly QR Іshki ister mınıstrligi Qylmystyq atqarý júıesi komıtetiniń tóraǵasy, polıtsııa polkovnıgi Janat Eshmaǵambetov aıtty, dep habarlaıdy QazAqparat tilshisi.

Onyń sózine qaraǵanda, QAJ júıesin damytý jónindegi baǵdarlamalyq qujattar aıasynda sottalǵandardyń quqyqtyq jáne ustaý jaǵdaıyn jaqsartýǵa, tsıfrlandyrýǵa jáne júıeniń ashyqtyǵyna baǵyttalǵan jumystar atqarylyp jatyr.

«Bas bostandyǵynan aıyrý oryndaryndaǵy adamdardyń elektrondy túrde shaǵym joldaý quqyǵy engizildi. Іs júzinde árbir mekemege prokýratýraǵa, odan ary sotqa jáne jemqorlyqqa qarsy qyzmetke shaǵym jasaý úshin elektrondy termınaldar ornatylady. Jańa tehnolonııalardan ruqsat berilgen tamaq, kıim, kitap sekildi túrli taýarlar men zattarǵa tapsyrys berý úshin «elektrondy dúken» tehnologııasy engizilýde», - dedi ol.

Sonymen qatar komıtet basshysynyń aıtýynsha, sottalýshylar men olardyń týystarynyń beınekezdesýleri de uıymdastyrylyp otyr. Mekemelerdegi beınekezdesýler karantın kezinde óz tıimdiligin kórsetti Olardyń sany 33 myńǵa jetti.

«Óz kezeginde, Іshki ister mınıstriniń tapsyrmasymen beınebaılanys arqyly kezdesýlerdiń jáne sottalǵandarǵa joldanatyn saýqattardyń sany 14-ten 20 kelige deıin ulǵaıǵanyn atap ótkim keledi», - deıdi Janat Eshmaǵambetov.