Qazaqstan túrmelerinde ekstremızm úshin sottalǵan 400-den astam adam bar
«Iá, qazirgi ýaqytta bizde ekstremızm, terrorızm úshin sottalǵandar bar. Kollonııalarda shamamen 400 adam ustalyp otyr. Árıne, olarǵa biz qamaýda ustaýdyń aıryqsha rejımin qoldanamyz. Biraq, olardy durys jolǵa qoıý úshin qylmystyq atqarý júıesiniń shtatyna teolog mamandyǵyn engizdik. Jekelegen birlikterdi qysqarttyq jáne bizdiń barlyq kollonııalarymyzda mundaı mamandar bar», - dedi mınıstr depýtattardyń saýalyna oraı.
Sonymen qatar ol qazirgi ýaqytta teolog mamandar elimizdiń Din isteri jáne azamattyq qoǵam mınıstrligimen birlesip jumys jasap jatqanyn basa aıtty.
«Jaqsy tájirıbe jolǵa qoıyldy. Nátıjeleri de jaman emes. Menińshe, biz ony odan ary qaraı damytamyz. Árıne, bizder úshin bul jańa qyzmet. Soǵan qaramastan odan ary damyta beremiz», - dedi Qalmuhanbet Qasymov.
Aıta keteıik, Májilistegi Úkimet saǵatynda «Bas bostandyǵynan aıyrý oryndarynan bosatylǵan jáne probatsııa qyzmetinde esepte turǵan azamattardy áleýmettik ońaltýdyń 2017-2019 jyldarǵa arnalǵan keshendi strategııasyn iske asyrý» máseleleri talqylanýda.
