Qazaqstan túrmelerinde 1300-den astam sheteldik jazasyn óteýde
ASTANA. QazAqparat - Qazaqstan túrmelerinde 1300-den astam sheteldik jazasyn óteýde. Bul týraly QazAqparattyń resmı saýalyna jaýap bergen QR ІІM Memlekettik til jáne aqparat departamentiniń dırektory Almas Sádýbaev málim etti.
«Jalpy 1300-den astam sheteldik azamat Qazaqstannyń bas bostandyǵynan aıyrý oryndarynda jazasyn óteýde. Túzeý mekemelerinde jazasyn ótep jatqan TMD elderinen Ózbekstan, Qyrǵyzstan, Reseı, al alys shetelden Qytaı, Mońǵolııa, Aýǵanystan, Túrkııa jáne Kamerýn elderiniń azamattary bar», - dedi A.Sádýbaev.
Onyń sózine qaraǵanda, sheteldik azamattar alaıaqtyq, esirtki tasymaldaý, kontrabanda jáne taǵy basqa qylmys jasaǵandary úshin sottalǵan.
