Qazaqstan Túrkııamen jáne Qytaımen sottalǵan adamdardy ózara beretin bolady
ASTANA. 9 qazan. QazAqparat - Búgin Parlament Májilisiniń jalpy otyrysynda palata depýtattary «Qazaqstan Respýblıkasy men Túrkııa Respýblıkasy arysyndaǵy Sottalǵan adamdardy berý týraly kelisimdi ratıfıkatsııalaý týraly» zań jobasyn óndiriske aldy.
«Kelisim Túrkııa Respýblıkasynyń sottarymen bas bostandyǵynan aıyrylǵan Qazaqstan azamattaryn jáne Qazaqstan Respýblıkasynyń sottarymen bas bostandyǵynan aıyrylǵan Túrkııa azamattaryn jazasyn ózderi azamattary bolyp tabylatyn memlekette óteý úshin berý máselelerin retteýge baǵyttalǵan», dedi Halyqaralyq ister, qorǵanys jáne qaýipsizdik komıtetiniń tóraǵasy Máýlen Áshimbaev.
Sonymen qatar, palata depýtattary dál osyndaı Qazaqstan men Qytaı arasyndaǵy kelisimdi de jumysqa aldy.
