Qazaqstan Túrkııadan brondalǵan áskerı kólikterdi satyp ala ma – mınıstrlik jaýaby

ASTANA. QazAqparat – Qazaqstandyq tarap shet memleketterden brondalǵan ásker kólikterdi satyp alýy múmkin. Bul týraly QazAqparat tilshisiniń saýalyna jaýap bergen Qorǵanys mınıstrliginiń baspasóz qyzmetinen málim etti, dep habarlaıdy QazAqparat tilshisi.

«Áskerı doktrınaǵa jáne Qazaqstan Respýblıkasynyń Qarýly Kúshteriniń basqa áskerı quralymdaryn damytý tujyrymdamasyna sáıkes, Qorǵanys mınıstrligi áskerdi zamanaýı, kópfýnktsıonaldy ári joǵary tehnologııalyq qarý-jaraqpen jáne áskerı tehnıkamen jaraqtandyrý boıynsha turaqty negizde jumys júrgizýde. Búgingi tańda Qarýly Kúshterdiń mamandary otandyq jáne sheteldik óndiristegi 8h8 brondalǵan kólikterge salystyrmaly taldaý júrgizýde. Onyń qorytyndysy boıynsha osy tıptegi mashınalardy qoldaný boıynsha usynystar ázirlenetin bolady», - dep jaýap berdi vedomstvonyń baspasóz qyzmetinen tilshi saýalyna oraı.

Aıta keteıik, keshe Túrkııa men otandyq BAQ betterinde Qazaqstan áskeri túrkııalyq «Otakar» kompanııasynan 4,4 mlrd dollarǵa (2 trln teńge) 800-den astam ARMA brondy kólikterin satyp alýdy josparlap otyrǵany týraly málimet tarady. Qorǵanys mınıstrligi qansha kólik qajet ekenin jáne oǵan qandaı kólemde qarajat jumsalatynyn málimdegen joq.

Foto - otokarcentralasia.kz