Qazaqstan Túrkııadaǵy sadaq atýdan álem kýbogy kezeńinde úzdik ondyqqa endi
ASTANA. KAZINFORM –Qazaqstan quramasy Antalıada (Túrkııa) ótip jatqan sadaq atýdan álem kýbogy kezeńindegi blokty sadaqpen atýdan áıelder arasyndaǵy komandalyq jarysty aıaqtady.
Atalǵan baǵdarlamada el namysyn Vıktorııa Lıan, Dıana ıÝnýsova jáne Adel Jeksenbınova qorǵady.
Birinshi aınalymda qazaqstandyq sportshylar Qytaılyq Taıbeı quramasynan 231:229 esebimen basym tústi. Alaıda shırek fınalda Meksıka quramasyna 226:234 esebimen jol berdi. Keıin meksıkalyq komanda týrnırdiń fınalyna shyqty.
QR UOK málimetinshe, jarys qorytyndysy boıynsha Qazaqstan jetinshi orynǵa turaqtady. Qola medal úshin ótken kezdesýde Germanııa quramasy AQSh komandasyn jeńip, júldeger atandy. Al 13 maýsymda ótetin fınalda Meksıka men Túrkııa quramalary ózara myqtyny anyqtaıdy.
Erler arasyndaǵy blokty sadaqpen atýdan komandalyq jarysta Qazaqstan atynan Aqbaraly Qarabaev, Musa Dilmuhamet jáne Andreı Tıýtıýn óner kórsetti. Birinshi aınalymda olar Meksıka quramasyna 232:235 esebimen ese jiberdi. Keıin meksıkalyq sportshylar Úndistandy jeńip, qola medal ıelendi. Al fınalǵa Qytaı men Danııa quramalary joldama aldy.
Aıta keteıik, Ásem Orynbaı bastaǵan mergender Italııada ótetin álem kýbogyna attanady.
