Qazaqstan Túrkııadaǵy sadaq atýdan álem kýbogy kezeńinde taǵy da úzdik ondyqqa endi
ASTANA. KAZINFORM — Túrkııanyń Antalıa qalasynda sadaq atýdan Álem kýbogynyń úshinshi kezeńi jalǵasyp jatyr. Halyqaralyq týrnırde Qazaqstan quramasynyń ókilderi kezekti ret úzdik on sportshynyń qataryna endi. Bul týraly UOK málim etti.
Vıktorııa Lıan men Aqbaraly Qarabaev blokty sadaq atýdan aralas komandalar arasyndaǵy jarysta Álem kýbogy kezeńiniń shırek fınalyna deıin jetti. Bul kezeńde qazaqstandyq mergender Meksıka quramasymen kezdesti. Tartysty básekede qarsylastar 158:155 esebimen jeńiske jetti.
Qorytyndy hattamada Lıan men Qarabaev altynshy orynǵa turaqtady.
Aıta keteıik, shırek fınalǵa deıingi jolda qazaqstandyq sportshylar Malaızııa men Germanııa komandalaryn jeńgen bolatyn.
Buǵan deıin áıelder arasyndaǵy komandalyq jarysta Vıktorııa Lıan, Dıana ıÝnýsova jáne Adel Jeksenbınova jetinshi oryn aldy. Al erler arasyndaǵy osy baǵdarlamada Aqbaraly Qarabaev, Musa Dilmuhamet jáne Andreı Tıýtıýn onynshy nátıje kórsetti.
Qazaqstan quramasy Antalıada (Túrkııa) ótip jatqan sadaq atýdan álem kýbogy kezeńindegi blokty sadaqpen atýdan áıelder arasyndaǵy komandalyq jarysty aıaqtap, úzdik ondyqqa kirgen bolatyn.
