Qazaqstan-Túrkııa ındýstrıaldy aımaqtaryn qurý máselesin talqyladyq - Prezıdent
ASTANA. QazAqparat - Qazaqstan men Túrkııanyń prezıdentteri "Jańa sınergııa" baǵdarlamasy aıasynda ózara yntymaqtastyq máselelerin damytý jaıyn talqylady, dep xabarlaıdy QazAqparat tilshisi.
"Kelissózder kezinde "Jańa sınergııa" birlesken ekonomıkalyq baǵdarlamasyn, sonyń aıasynda Qazaqstan-Túrkııa ındýstrıaldy aımaqtaryn qurý máselelerin, eki eldiń arasyndaǵy saýda-sattyqty basqa deńgeıge kóterý jaıyn talqyladyq. Osy rette "Jańa sınergııanyń" ózekti xattamasy, shamamen, 900 mln dollar bolatyn 26 ınvestıtsııalyq jobany qamtıdy", - dedi Nursultan Nazarbaev búgin Aqordada ótken kelissózderden keıin.
Memleket basshysynyń aıtýynsha, qazirgi saýda-ekonomıkalyq áleýetti tolyqqandy paıdalaný úshin toqyma, azyq-túlik, taý-ken, qurylys, elektronıka, aýyl sharýashylyǵy men týrızm salalarynda baılanysty kúsheıtýge tapsyrma berildi. Bunyń barlyǵyn úkimetaralyq komıssııa pysyqtaıtyn bolady.
Aıta keteıik, búgin Aqordada QR Prezıdenti Nursultan Nazarbaev Túrkııa basshysy Redjep Taıyp Erdoǵandy qabyldady . "Túrkııanyń Táýelsizdigimizben quttyqtaǵany áli esimde", - deıdi Nursultan Nazarbaev .
