Qazaqstan Túrki keńesiniń jumysyna jan-jaqty qoldaý kórsetýge daıyn - E.Ydyrysov
Qazaqstan Túrkitildes memleketter yntymaqtastyq keńesiniń jumysyna kómektesýge jáne jan-jaqty qoldaý kórsetýge daıyn, dep málimdedi QR syrtqy ister mınıstri Erlan Ydyrysov Astanaǵa TTMYK V sammıtine qatysýǵa kelgen uıymnyń Bas hatshysy Ramıl Gasanovpen kezdesýi barysynda, dep habarlady primeminister.kz.
Qazaqstan Túrki keńesiniń barsha nyǵaıýy men damýynda múddeli ekenin aıtyp, qazaqstandyq SІM basshysy túrkitildes memleketterdiń ortaq tarıhy, etnostyq, tildik jaqyndylyǵy negizinde olardyń mádenı-gýmanıtarlyq jaqyndaýyna baǵyttalǵan TMYK qyzmetine qazaqstandyq taraptyń qajetti qoldaý kórsetýge daıyn ekenin bildirdi.
Kezdesý barysynda R.Gasanov Túrki keńesiniń 2014-2015 jyldardaǵy qyzmetiniń qorytyndylary men aldaǵy josparlary týraly aıtyp berdi.
Taraptar TMYK múshe memleketteriniń Uıym sheńberindegi yntymaqtastyǵynyń basym baǵyttaryn talqylady.
E.Ydyrysov, sondaı-aq, TMYK Bas hatshysynyń jáne taraptar sarapshylarynyń TMYK mereıtoılyq sammıttiń sapaly daıyndyǵy boıynsha jemisti qyzmetin atap ótti. Búgin Astanada Keńeske qatysýshy memleketterdiń basshylarynyń qatysýymen Túrkitildes memleketter yntymaqtastyǵy keńesiniń Sammıti ótedi.
Aldynda málim bolǵandaı, Prezıdent Nursultan Nazarbaev usynysymen sammıttiń negizgi taqyryby aqparat salasyndaǵy yntymaqtastyq bolmaq. Memleket basshylary ótken sammıtter barysynda qol jetkizilgen ýaǵdalastyqtardy 11 qyrkúıekte qorytyndylap, jańa mindettemeler aıqyndaıtyn bolady dep kútilýde.
