Qazaqstan túrki elderiniń «jasyl» oblıgatsııalaryn AHQO-da ornalastyrýǵa daıyn

NUR-SULTAN. QazAqparat – QR Prezıdenti Qasym-Jomart Toqaev jasyl tehnologııaǵa qatysty ortaq jobalardy iske asyrý úshin jasyl kapıtal naryǵyn damytýdyń mańyzdy ekenine toqtaldy, dep habarlaıdy QazAqparat tilshisi.

«Jasyl tehnologııaǵa qatysty ortaq jobalardy iske asyrý úshin jasyl kapıtal naryǵyn damytý mańyzdy. 10 jylda dúnıe júzindegi jasyl oblıgatsııalardyń kólemi 20 ese ósip, 2 trıllıon dollarǵa jetti. Qazaqstan da turaqty oblıgatsııalar naryǵyn damytýdy qolǵa aldy. Bıyl onyń jalpy quny 100 mıllıon dollardan asty», - dedi Memleket basshysy Túrki memleketteri uıymynyń sammıtinde.

Osy oraıda Prezıdent bul jumys «Astana» halyqaralyq qarjy ortalyǵy men Qazaqstan qor bırjasynda júrgizilip jatqanyn eske saldy.

«Men osy uıymdardyń mol tájirıbesin jáne tıimdi quraldaryn keńinen paıdalanýǵa shaqyramyn. Biz óńirlik jasyl kapıtal naryǵyn damytýǵa múddelimiz. Túrki elderiniń jasyl oblıgatsııalaryn atalǵan qurylymdarda ornalastyrýǵa daıynbyz», - dedi Q. Toqaev.

Budan buryn habarlanǵandaı, «Túrkitildes memleketterdiń yntymaqtastyq keńesi» endi «Túrki memleketteri uıymy» dep ataldy.