Qazaqstan túrki memleketteriniń yntymaqtastyǵyn belsendi túrde damytýdy qoldaıdy — Prezıdent
ASTANA. KAZINFORM — Tarıhtyń dáristeri damýǵa bet alǵan bolashaqpen úndeskende ǵana órkendeý jolyna túsemiz. Bul týraly elordadaǵy Táýelsizdik saraıynda ótip jatqan «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıýmda Memleket basshysy Qasym-Jomart Toqaev aıtty.
— Qaıtalap aıtamyn: tarıhtyń dáristeri damýǵa bet alǵan bolashaqpen úndeskende ǵana órkendeý jolyna túsemiz. Bul oraıda, Altyn Ordanyń san qıly tarıhy men taǵdyry memleketterdiń kúsh-qýaty túrli mádenıetterdi nátıjeli gýmanıtarlyq jáne saıası seriktestiktiń biryńǵaı júıesine biriktire alýynan kórinetinin eske salady, — dedi Qasym-Jomart Toqaev.
Prezıdenttiń aıtýynsha, osy strategııalyq baǵytty ustana otyryp, Qazaqstan túrki memleketteriniń yntymaqtastyǵyn belsendi túrde damytýdy, aımaq elderiniń ekonomıkalyq jáne tehnologııalyq áleýetin nyǵaıtý úshin Eýrazııa keńistigindegi ózara yqpaldastyq ıdeıasyn jan-jaqty ilgeriletýdi jan-jaqty qoldaıdy.
— Mysaly, 2025 jyly ShYU sammıtinde «TransAltaı dıalogy» bastamasyn kóterdim. Bul ıdeıa Reseıdiń «Altaı — túrkilerdiń ata qonysy» tujyrymdamasymen úılesedi, — dedi Memleket basshysy.
Prezıdent Altyn Orda sol kezeńdegi kóptegen memleketke qaraǵanda óz damýynda strategııalyq ashyqtyq qaǵıdatyna berik bolǵanyna nazar aýdartty.
