Qazaqstan túrki áleminiń «Qorqyt ata» kınofestıvaline qatysyp jatyr
Bakýde túrki áleminiń «Qorqyt ata» III kınofestıvali ótip jatyr. Kazinform bul týraly AZERTADJ-ǵa silteme jasap habarlaıdy.
Kınofestıval aıasynda túrki memleketteri ókilderiniń qatysýymen sammıt ótti. Oǵan TıÝRKSOI bas hatshysy Sultan Raev, Qazaqstan, Ázerbaıjan, Túrkııa, Ózbekstan, Qyrǵyzstan jáne Túrikmenstannyń quzyrly mınıstrlikteriniń resmı tulǵalary, kıno qaıratkerleri qatysty.
Festıval maqsaty – túrki álemi birligi men túrki halyqtarynyń arasyndaǵy mádenı yntymaqtastyqty damytý.
Kınogerler nazaryna birqatar fılm usynyldy. Olardyń arasynda «113 kún», «2602 jobasy», «Qaıdan keldiń, tyrna?», «Mármárdaı sýyq», «Aǵaıyndy Nobelder», «Sofııa», «Gıýlmıra» jáne taǵy basqa kartınalar bar.
2021 jyldan beri uıymdastyrylyp kele jatqan festıval alǵashqy jyly Túrkııanyń Ystanbul qalasynda, byltyr Býrsada ótti.
Bıyl kınematograftardy Ázerbaıjan astanasy qabyldap jatyr. Ony Ázerbaıjan Respýblıkasy Mádenıet mınıstrligi, Geıdar Alıev ortalyǵy, TıÝRKSOI, Ázerbaıjan Respýblıkasy Kıno agenttigi men Baký medıa ortalyǵy birlesip uıymdastyrdy.
