Qazaqstan týrızmin nasıhattaýǵa halyqaralyq blogerler tartyldy
ASTANA. KAZINFORM — 20 mıllıonnan astam aýdıtorııasy bar bloger Qazaqstan týraly kontent túsiredi, dep habarlaıdy Kazakh tourism ulttyq kompanııasynyń baspasóz qyzmeti.
«Týrızm salasynyń úzdigi» marapatynyń jáne «Álemniń úzdik trevel-blogeri» nomınatsııasy boıynsha halyqaralyq WIBA Awards 2026 syılyǵynyń ıegeri Dastan Muhamedrahymovtyń (bydastann) shaqyrtýymen Almatyǵa sheteldik jetekshi kontent avtorlary keldi.
Sheteldik qonaqtardyń qatarynda YouTube-te 20 mıllıonnan astam aýdıtorııasy bar ıordanııalyq rejısser-derekti fılmder túsirýshi Djo Hattab (joe_hattab) jáne TikTok pen Instagram-da kópmıllıondyq qaýymdastyqty qamtıtyn amerıkalyq trevel-bloger Djoshýa Platılero (megaamerican) bar.
Sapar aıasynda blogerler elimizdiń týrıstik múmkindikterine arnalǵan birlesken túsirilimder júrgizedi.
— Biz Qazaqstannyń sulýlyǵyn kórsetýdi josparlap otyrmyz. Keremet kontent kútińizder, — dep bólisti Dastan Muhamedrahymov.
Mundaı aýqymdy ınflıýenserlerdiń kelýi qazaqstandyq týrızmdi ilgeriletýge jańa múmkindikter ashady.
Sarapshylyq kontenttiń jasalýy jáne onyń negizgi halyqaralyq platformalarda kórsetilýi jahandyq aýdıtorııaǵa tikeleı shyǵýdy qamtamasyz etedi, sondaı-aq el brendiniń tanymaldylyǵyn arttyryp, sheteldik týrıster aǵynynyń ósýine yqpal etedi.
Budan buryn Astanada Báıterek mańynda shampan shashqan blogerge aıyppul salynǵanyn jazǵanbyz.
