Qazaqstan týrızmdi Malaızııa men Túrkııadan úlgi alyp damytpaq - Úkimet otyrysy
ASTANA. 24 sáýir. QazAqparat - Qazaqstan týrızm salasyn Malaızııa men Túrkııa memleketteriniń tájirıbesine súıene otyryp damytpaq.
Bul týraly búgin selektorlyq rejimdegi Úkimet otyrysynda elimizdegi týrızm salasyn damytý máselesi boıynsha baıandama jasaǵan Indýstrııa jáne jańa tehnologııalar mınıstri Áset Isekeshev málim etti.
«Bizde QR Statıstıka agenttigimen birlesken jumys jospary bar. Olar tıisti zertteý jumystaryn júrgizetin bolady. Biz Malaızııa jáne Túrkııa sekildi memleketterdiń tájirıbesin zerdeleımiz»,-dep atap ótti mınıstr.
Á. Isekeshevtiń aıtýynsha, endi elimiz Túrkııa jáne Malaızııa sekildi memlekettermen tyǵyz qarym-qatynasta jumys isteıtin bolady.
«Bul elderde týrızm qysqa merzimde qýatty ındýstrııaǵa aınalyp, ishki jalpy ónimniń turaqty ósimin qamtamasyz etýde»,-dedi vedomstvo basshysy.
Onyń sózine qaraǵanda, Malaızııaǵa bir jyl ishinde 24 mln.-nan astam týrıst kelgen. Bul óz kezeginde 20 mlrd. AQSh dollaryna jýyq kiristi qamtamasyz etti (ІJÓ-niń 12,5 paıyzy).
