Qazaqstan týrızm salasy boıynsha álemdik básekege qabilettilik reıtınginde alǵa jyljydy
ASTANA. QazAqparat - Qazaqstan týrızm salasy boıynsha álemdik básekege qabilettilik ındeksinde óz pozıtsııasyn jaqsartty, dep habarlaıdy «QazAqparat» HAA tilshisi QR MSM Týrızm ındýstrııasy komıtetiniń basshysy Marat Iǵalıǵa silteme jasap.
«Qazaqstan týrızm salasy boıynsha álemdik básekege qabilettilik ındeksinde óz pozıtsııasyn jaqsartty. Erekshe atap óteıin, elimiz baǵanyń básekege qabilettiligi boıynsha álemniń 136 memleketiniń ishinen 81-oryndy ıelendi. Búkilálemdik ekonomıkalyq forýmnyń deregi boıynsha, Qazaqstan óz pozıtsııasyn 4 orynǵa alǵa jyljytyp, týrızm salasy boıynsha álemdik básekege qabilettilik ındeksinde 81-orynda tur», - dep jazdy Iǵalıev áleýmettik jelide.
Onyń aqparaty boıynsha, reıtıng 2007 jyldan beri eki jylda bir ret jarııalanady. 2017 jyly oǵan týrısterdi qabyldaýǵa baılanysty 14 pozıtsııaǵa saı keletin 136 el qatysty.
«Buǵan tarıhı jáne mádenı muralar, ekonomıka, kólik, qonaqúı sektory, kommýnıkatsııa, medıtsınanyń damýy, týrızm, salasy úshin qolaıly memlekettik saıasat jáne taǵy basqalary kiredi. 2015 jyly Qazaqstan bul reıtıngte 3 orynǵa kóterilip, 85-oryndy ıelendi. 2017 jyly elimiz óz pozıtsııasyn jaqsartyp, tórt orynǵa alǵa jyljydy», - dep túsindirdi Marat Iǵalıev.
Postkeńestik elderdiń arasynda eń úzdigi - Estonııa (37-oryn), ekinshi orynda Reseı tur. Úshinshi orynǵa Latvııa (54-oryn), tórtinshi - Lıtva (56-oryn), besinshi - Grýzııa (70-oryn), altynshy - Ázerbaıjan (71-oryn), jetinshi - Qazaqstan (81-oryn), segizinshi - Ýkraına (88-oryn), toǵyzynshy - Tájikstan (107-oryn), onynshy - Qyrǵyzstan (115-oryn) jaıǵasqan.
