Qazaqstan týrıstik qaýymdastyǵy: Irandaǵy oqıǵalar BAÁ-ge týrıster leginiń tómendeýine áser etpeýi múmkin
Onyń atap ótýinshe, Birikken Arab Ámirlikterine saıahattaýǵa nıettenip otyrǵan qazaqstandyqtardy Azamattyq avıatsııa komıtetiniń otandyq áýe kompanııalaryna Irannyń áýe keńistiginen ushyp ótpeýge keńes berýi alańdatyp otyr.
«Dál osy kezeńde Birikken Arab Ámirlikteri Qazaqstannan baratyn saıahatshylar úshin eń tanymal baǵyttardyń biri sanalady. Qazaqstandyqtar bul baǵytta saıahattaýdy jaqsy kóredi, ol jaqqa baratyn saıahatshylar legi óte jaqsy. Árıne, árbir adam úshin sapardyń qaýipsiz bolýy birinshi kezekte turady. Qazirdiń ózinde týrfırmalarǵa osy baǵyttarǵa týrıstik sapar toptamasyn satyp alǵan adamdar júginip, munyń qanshalyqty qaýipsiz ekendigin surap jatyr. Bizdiń mindet - eger áleýetti týrıster baratyn jaǵynda ne bolyp jatqandyǵyn bilmese, onda aqparat berý. Biz barlyǵyn naqtylap, tolyqqandy aqparat berýge tıispiz. Al barý-barmaý – bul saıahatshynyń tańdaýy», - dedi Rashıda Shaıkenova.
Ony dereginshe, 2019 jyldyń qańtary men qyrkúıegi aralyǵynda Ámirlikterge 133 myń qazaqstandyq saıahat jasaǵan.
«Jalpy, týrısterdiń eń kóp baratyn maýsymy qańtar, aqpan, naýryz aılaryna tuspa-tus keledi. Adamdar ol jaq ystyq bolmaı turǵan kezde barady. ıAǵnı, maýsymnyń eń shyrqaý sheginde saıasatshylar legi báseńdeýi múmkin. Ámirlikter baǵytynda qazaqstandyq eki áýe kompanııasy Air Astana men SSAT turaqty reısterdi júzege asyrady. Qazirdiń ózinde Air Astana ushaqtarynyń Iran aýmaǵynan aınalyp ushyp ótetindigin habarlady. SSAT-ta solaı jasaıtyn shyǵar. Sondyqtan da saıası oqıǵalar nasharlap ketpese, bul jaıt BAÁ-ge týrıster legine áser ete qoımas. Tek ushý ýaqyty ǵana uzarady», - dedi ol.
